ఇదేం గోకుడు?: ట్రంప్ చేతిని విసిరికొట్టిన పోప్(వీడియో)
అమెరికా అధ్యక్షుడు డొనాల్డ్ ట్రంప్ తీరు ఇప్పుడు సోషల్ మీడియాలో హల్చల్ చేస్తోంది. వాటికన్ సిటీలో పోప్ ఫ్రాన్సిస్తో అమెరికా అధ్యక్షుడు వ్యవహరించిన తీరుపై నెటిజన్లు నవ్వుకుంటూనే విరుచుకుపడుతున్నారు.
రోమ్: అమెరికా అధ్యక్షుడు డొనాల్డ్ ట్రంప్ తీరు ఇప్పుడు సోషల్ మీడియాలో హల్చల్ చేస్తోంది. వాటికన్ సిటీలో పోప్ ఫ్రాన్సిస్తో అమెరికా అధ్యక్షుడు వ్యవహరించిన తీరుపై నెటిజన్లు నవ్వుకుంటూనే విరుచుకుపడుతున్నారు.
వివరాల్లోకి వెళితే.. ఇజ్రాయెల్ పర్యటన నుంచి రోమ్ చేరుకున్న ట్రంప్కు అక్కడ చేదు అనుభవం ఎదురైంది. అదేమంటే.. పోప్ను కలుసుకున్న ట్రంప్ దంపతులు పొటో దిగుతుండగా.. పోప్ చేయిని ట్రంప్ పట్టుకునే ప్రయత్నం చేశారు. మొదట చిన్నపిల్లాడిలా పోప్ చేతిపై చిటికెన వేలితో గోకి చేతిని అందుకోబోయారు.
వెంటనే.. పోప్ ఒక్క పెట్టున ట్రంప్ చేతిని విసిరికొట్టారు. ఈ దృశ్యం కెమెరాకు చిక్కడంతో వైరల్ అయింది. చూసిన నెటిజన్లు నవ్వు ఆపులేకపోతున్నారు. అయితే, ఇది ఫేక్ వీడియో అనే వాదనలు కూడా వినిపిస్తున్నాయి. కాగా, ఇటీవల ఇజ్రాయెల్లో సతీమణి మెలానియాకి చేయి అందిస్తే ప్రయత్నం చేయగా ఆమె కూడా ట్రంప్ చేయిని దూరంగా తోసేయడం తెలిసిందే.