వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

వరుస రాకెట్ దాడులతో వణికిన సిటీ: గ్రీన్‌జోన్‌పై: ఇండిపెండెన్స్ డే నాడు ఉగ్రవాదుల ఘాతుకం

|
Google Oneindia TeluguNews

కాబుల్: స్వాతంత్య్ర దినోత్సవ వేడుకలను జరుపుకొంటోన్న వేళ.. ఆప్ఘనిస్తాన్ రాజధాని కాబుల్ రాకెట్ల దాడులతో వణికిపోయింది. కొద్ది నిమిషాల వ్యవధిలో వరుసగా నాలుగు రాకెట్లు కాబూల్‌లోని గ్రీన్‌జోన్ ప్రాంతాలపై దూసుకెళ్లాయి. ఈ ఘటనలో పలు వాహనాలు ధ్వంసం అయ్యాయి. విదేశీ రాయబార కార్యాలయాల భవనాలు పాక్షికంగా ధ్వంసం అయ్యాయి. ఆప్ఘన్ అధ్యక్షుడు అష్రఫ్ ఘనీ స్వాతంత్య్ర దినోత్సవ వేడుకల్లో పాల్గొంటోన్న సమయంలోనే ఈ దాడులు చోటు చేసుకున్నాయి.

వేడెక్కిన అమెరికా: మిచెల్ ఒబామా ఎంట్రీ: ట్రంప్‌ రాంగ్ ప్రెసిడెంట్: ఓట్ అనే నెక్లెస్‌తో వేడెక్కిన అమెరికా: మిచెల్ ఒబామా ఎంట్రీ: ట్రంప్‌ రాంగ్ ప్రెసిడెంట్: ఓట్ అనే నెక్లెస్‌తో

ఈ రాకెట్ దాడుల ప్రభావం.. ప్రభుత్వం, తాలిబన్ల మధ్య శాంతి చర్చలను కొనసాగించడంపై చూపొచ్చని అంటున్నారు. ఈ దాడులకు తామే పాల్పడినట్లు ఇప్పటిదాకా ఏ ఉగ్రవాద సంస్థ గానీ, మిలిటెంట్ గ్రూప్ గానీ ప్రకటించుకోలేదు. దీన్ని ఉగ్రవాద చర్యగానే భావిస్తున్నట్లు ఆఫ్ఘనిస్తాన్ ప్రభుత్వం వెల్లడించింది. దీనిపై ప్రాథమికంగా ఓ ప్రకటన చేసింది. గుర్తు తెలియని వ్యక్తులు లేదా సంస్థలు కాబుల్‌లోని ఉత్తర, ఈశాన్య ప్రాంతాల్లో నాలుగు రాకెట్ల, మోర్టల్ షెల్స్ ద్వారా ఈ దాడులకు పాల్పడినట్లు ఆఫ్ఘన్ అంతర్గత భద్రత మంత్రిత్వ శాఖ అధికార ప్రతినిధి తారిక్ అరియన్ తెలిపారు.

Several rockets struck Afghanistan’s capital of Kabul

ప్రత్యేకించి- విదేశీ రాయబార కార్యాలయాలు ఉన్న గ్రీన్ జోన్ ప్రాంతాన్ని లక్ష్యంగా చేసుకుని ఈ దాడులు కొనసాగించినట్లు అధికారులు నిర్ధారించారు. విదేశీ రాయబార అధికారులు, ఆఫ్ఘన్ ప్రభుత్వ ఉన్నతాధికారులు నివాసం ఉంటోన్న వజీర్ అక్బర్ ఖాన్ మార్గం, పరిసర ప్రాంతాలపై రాకెట్లను సంధించినట్లు తెలిపారు. ఆఫ్ఘనిస్తాన్‌లోని నాటో ప్రధాన కార్యాలయం కూడా ఈ ప్రాంతంలోనే ఉంది. ఆప్ఘనిస్తాన్ వ్యాప్తంగా వివిధ జైళ్లల్లో శిక్షను అనుభవిస్తోన్న 320 మంది తమ ప్రతినిధులను విడుదల చేయాలంటూ తాలిబన్లు డిమాండ్ చేయడాన్ని ఆప్ఘన్ ప్రభుత్వం తిరస్కరించిన రోజుల వ్యవధిలో ఈ దాడులు చోటు చేసుకున్నాయి.

పైగా స్వాతంత్య్ర దినోత్సవ వేడుకలను జరుపుకొంటోన్న వేళ.. పేలుళ్లతో దద్దరిల్లిపోయింది కాబుల్ సిటీ. ఈ ఘటనలో ప్రాణ నష్టం సంభవించినట్లు వార్తలు రాలేదు. ఆస్తినష్టం భారీగా ఉన్నట్లు చెబుతున్నారు. వజీర్ అక్బర్ ఖాన్ మార్గంలో పార్క్‌ చేసి ఉంచిన వాహనాలు ఈ పేలుళ్ల ధాటికి ధ్వంసం అయ్యాయి. ఈ ఘటనపై సమగ్ర దర్యాప్తునకు ఆదేశించినట్లు తారిక్ అరియన్ తెలిపారు. ఇది ఉగ్రవాద చర్యగానే తాము భావిస్తున్నామని అన్నారు. ఈ దాడులకు పాల్పడిన వారెవరనేది ఇంకా నిర్ధారించాల్సి ఉందని పేర్కొన్నారు.

English summary
Several rockets struck Afghanistan’s capital of Kabul on Tuesday, shaking the main diplomatic district and sending foreign embassies into lockdown, officials and sources said.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X