చూస్తుండగానే హెలికాప్టర్ కుప్పకూలింది(వీడియో)
న్యూయార్క్: హవాయిలోని పెర్ల్హార్బర్ పర్యాటక కేంద్రం వద్ద ఓ హెలికాప్టర్ అందరూ చూస్తుండగానే నీటిలో కుప్పకూలిపోయింది. ఈ ఘటనను ఓ పర్యాటకుడు తన కెమెరాలో బంధించాడు.
హెలికాప్టర్ ఆకాశంలో ఎగురుతూ నీటిలో కుప్పకూలే వరకూ.. ఆ దృశ్యాలు అతని కెమెరాలో రికార్డయ్యాయి. మాడిసన్ నుంచి శాన్ విన్రిచ్ అనే పర్యాటకుడు పెర్ల్హార్బర్ను చూసేందుకు వచ్చాడు. అక్కడి అందమైన ప్రదేశాలను తన కెమెరాతో ఫొటోలు తీస్తున్నాడు.
కాగా, ఇంతలో ఆకాశంలో ఓ హెలికాప్టర్ తమ వైపే వస్తుండటాన్ని గమనించాడు. వెంటనే తన కెమెరాలో వీడియో మోడ్ను ఆన్ చేసి ఆ దృశ్యాన్ని రికార్డు చేయడం ప్రారంభించాడు. అయితే హెలికాప్టర్ అకస్మాత్తుగా కుదుపులకు గురై నీటిలో కుప్పకూలింది.
ఆ ఘటనను చూసి ఒక్కసారిగా భయాందోళనకు గురైన శాన్ వీడియో రికార్డు చేయటం ఆపేశాడు. కాగా, హెలికాప్టర్లో ఉన్న ముగ్గురు ప్రాణాలతో బయటపడ్డారు. వెంటనే వారిని ఆస్పత్రికి తరలించారు. వీరిలో 15ఏళ్ల బాలుడుకి తీవ్రగాయాలు కావడంతో అతని పరిస్థితి విషమంగా ఉందని అతనికి చికిత్స అందిస్తున్న వైద్యులు తెలిపారు.