రియాలిటీ షో కోసం వెళ్తుంటే హెలికాప్టర్ కూలి మృతి
చిలీ: ఓ టీవీ రియాలిటీ షోకు చెందిన హెలికాప్టర్ కూలిపోయి ఇద్దరు మృతి చెందిన విషాధ సంఘటన చిలీలో జరిగింది. స్థానిక అధికారుల సమాచారం మేరకు... రియాలిటీ షోకు చెందిన టీంను తీసుకు వెళ్తున్న హెలికాప్టర్ వెక్టర్న్ అర్జెంటీనాలో కూలింది.
ఈ ఘటనలో ఇద్దరు మృతి చెందారు. బెల్ 206 హెలికాప్టర్ శనివారం నాడు కూలిపోయింది. భద్రతా మంత్రి వెర్నియర్ మాట్లాడుతూ... హెలికాప్టర్ పొట్రెరిల్లోస్ ది మెండోజా రిజర్వాయర్ వద్ద వెయ్యి కిలోమీటర్ల ఎత్తున ఎగురుతున్న సమయంలో ప్రమాదం సంభవించిందని చెప్పారు.
ఈ ప్రమాద ఘటనలో పైలట్, ఓ టెక్నిషియన్ మృతి చెందాడన్నారు. హెలికాప్టర్లో ఇంకా ఎవరున్నారో తెలియాల్సి ఉందని చెప్పారు. ప్రమాదం జరిగిన ప్రాంతానికి వెళ్తున్నట్లు చెప్పారు. ఇది ఉపరితలానికి అరవై మీటర్ల లోతులో ఉందని, అక్కడకు వెళ్లేందుకు ప్రయత్నిస్తున్నామన్నారు.
దీనిపై ఆ టీవీ యాజమాన్యం స్పందించవలసి ఉంది. కాగా, రియాలిటీ షో కోసం వెళ్తుండగా ఈ ఏడాది జరిగిన రెండో ప్రమాదమిది. గత మార్చి నెలలో రెండు హెలికాప్టర్లు రియాలిటీ షో కోసం పని చేస్తుండగా ఢీకొన్నాయి. ఈ ఘటనలో పదిమంది మృతి చెందారు.