విమానంలో చిత్తుగాకొట్టుకున్న అమ్మాయిలు(వీడియో)
లాస్ఏంజిల్స్ : ఇద్దరు అమ్మాయిలు తాగిన మైకంలో పెద్ద శబ్దంతో మ్యూజిక్ ప్లే చేశారని ఆ విమానంలో ప్రయాణికులంతా హద్దులు మరచిపోయారు. జుత్తులు పీక్కుంటూ కొట్టుకున్న వారు ఆ విమానాన్ని రణరంగంగా మార్చారు.
బాల్డిమోర్ నుంచి లాస్ ఏంజిల్స్ వెళ్తున్న స్పిరిట్ ఎయిర్లైన్స్ ఫ్లైట్ 141లో ఈ ఘటన జరిగింది. ఆ విమానంలో ఇద్దరు మహిళలు బాగా మద్యం సేవించి ప్రయాణిస్తున్నారు. వాళ్ళిద్దరూ పెద్ద శబ్దంతో బూమ్బాక్స్లో మ్యూజిక్ ప్లే చేశారు.
దీంతో ప్రయాణికులకు చిర్రెత్తింది. ఆ సౌండ్ తగ్గించండి మహాప్రభో అంటూ గోల పెట్టారు. కానీ వాళ్ళు వినలేదు. పైగా మరింత సౌండ్ పెంచి, బూమ్బాక్స్ను గాల్లో ఊపుతూ మ్యూజిక్ ప్లే చేశారు. ఈలోగా విమానం లాస్ ఏంజిల్స్లో దిగింది.
మరుక్షణంలో ఐదుగురు మహిళలు ఆ తాగుబోతు మహిళల దగ్గరకు దూసుకెళ్లారు. మొత్తం అంతా కలిసి జుత్తుల పీక్కుంటూ కొట్టుకున్నారు. ఒకరిమీద మరొకరు పిడిగుద్దులు కురిపించుకున్నారు. విమానం అంతా అరుపులు, కేకలతో మారుమోగిపోయింది. కాగా ఈ తతంగాన్నంతా వీడియో తీసిన కొందరు సోషల్ మీడియాలో పోస్ట్ చేశారు. దీంతో ఈ ఘటనకు విస్తృత ప్రచారం దక్కింది.