Click it and Unblock the Notifications
Just In
Don't Miss
-
PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో -
డైరెక్టర్లకు అమ్మాయిలను సప్లై.. సీనియర్ ఆర్టిస్ట్ చీకటి కోణం వెనుక వాస్తవం అదేనట! -
గుడ్నైట్ సందేశాలను ఇలా సరదాగా పంపుకోండి.. -
40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు! -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
సలాం కొట్టాల్సిందే: ఐదేళ్ల బుడ్డోడు అమెరికా మొత్తాన్ని ఆలోచనలో పడేశాడు..
తన సహచరుడైన నల్లజాతి బాలుడి పట్ల అతను చూపించిన ప్రేమ అమెరికా మొత్తానికి ఆదర్శంగా నిలుస్తోంది.
వాషింగ్టన్: అమెరికాలో జాత్యహంకార దాడులు పెచ్చరిల్లుతున్న నేపథ్యంలో ఓ ఐదేళ్ల చిన్నోడు చూపిన మానవత్వం ప్రతీ ఒక్కరిని కదిలిస్తోంది. తన సహచరుడైన నల్లజాతి బాలుడి పట్ల అతను చూపించిన ప్రేమ అమెరికా మొత్తానికి ఆదర్శంగా నిలుస్తోంది.
పూర్తి వివరాలను పరిశీలిస్తే.. అమెరికాలోని కెంటూకీ నివాసి అయిన శ్వేత జాతి బాలుడు జాక్స్(5)కు తనతో పాటు చదివే నల్లజాతి బాలుడు రెడ్డి గిగిల్(5) అంటే అమితమైన ఇష్టం. గిగిల్ లాగే తానూ హెయిర్ స్టైల్ చేయించుకుని క్లాస్ రూమ్ లోకి అడుగుపెట్టాడు.
జాక్స్ ను చూసి అతని టీచర్లు ఆశ్చర్యానికి లోను కాగా.. తానెందుకు అలా చేసింది వారికి వివరించారు. ఇప్పుడు తాను, గిగిల్ ఒకేలా ఉన్నామని, మా మధ్య తేడా ఏమి లేదు కదా అని అడిగాడు. జాక్స్ ఈ మాటలు చెబుతుండగానే గిగిల్ సంతోషంతో అతన్ని ఆలింగనం చేసుకున్నాడు.
అంతకుముందు తన హెయిర్ స్టైల్ చేంజ్ చేసుకోవడానికి తల్లితో జాక్స్ మాట్లాడాడు. తానెందుకు అలా చేయాలనుకుంటున్నాడో తల్లికి చెప్పాడు. దీంతో తల్లి కూడా అందుకు ఓకె చెప్పింది. జాక్స్ ఈ హెయిర్ స్టైల్ చేయించుకోవడానికి ముందు స్పైక్స్ తో స్టైలిష్ గా ఉండేవాడు. అయితే మిత్రుని కోసం జాక్స్ తన హెయిర్ స్టైల్ చేంజ్ చేసుకుని.. అతని లాగే ఉండాలని నిర్ణయించుకోవడం అందరినీ ఆకట్టుకుంది.
నల్లజాతి వారు శ్వేతజాతి వారు వేరు కాదని, అంతా ఒక్కటేనని చెప్పాలనుకోవడం జాక్స్ ఉద్దేశం. దీనికి సంబంధించిన వీడియోను ఫేస్ బుక్ లో పోస్టు చేయడంతో ఇప్పుడు ఈ బుడ్డోడి గురించి అమెరికా అంతా మాట్లాడుకుంటోంది. మొత్తం మీద జాక్స్ చేసిన ఈ పనికి జాత్యహంకారంతో విర్రవీగేవారు బుద్ది తెచ్చుకోవాల్సిన అవసరముందని పరిశీలకులు అభిప్రాయపడుతున్నారు.
