విద్యార్థి మహిళా మ్యాథ్స్ టీచర్‌ను కొట్టి చంపేశాడు!

వాషింగ్టన్: అమెరికాలోని మస్సాచ్యుసెట్స్ నగరంలో తొమ్మిదో తరగతి విద్యార్థి గణితం ఉపాధ్యాయురాలిని హత్య చేసిన సంఘటన జరిగింది! నగరంలోని డెన్వర్స్ హైస్కూల్‌లో కోలెన్ రిజర్ లెక్కల ఉపాధ్యాయురాలిగా పని చేస్తున్నారు. మంగళవారం పాఠశాలకు వెళ్లిన ఆమె తిరిగి రాలేదు.

ఈ ఉపాధ్యాయురాలు అంటే విద్యార్థులకు గౌరవం, అభిమానం. ఆమె ఇంటికి రాకపోవడంతో ఫిర్యాదు అందిందని ఎసెక్స్ జిల్లా అటార్నీ తెలిపారు. అయితే పాఠశాల రెండో అంతస్తులోని బాత్ రూంలో రక్తం మరకలు కనిపించాయి. ఉపాధ్యాయురాలి మృతదేహం పాఠశాల వెనుక భాగంలో కనిపించింది.

ఉపాధ్యాయురాలి మృతికి సంబంధించిన వివరాలు పలుచోట్ల సిసి కెమెరాల్లో లభించాయి. వీటి ఆధారంగా ఫిలిప్ చిస్మ్ అనే విద్యార్థిని అరెస్టు చేశారు.

అయితే అతడు ఆమెను ఎందుకు చంపాడన్నది తెలియరాలేదు. అతనిని పోలీసులు కోర్టులో ప్రవేశ పెట్టారు. అతను ఉపాధ్యాయురాలిని దారుణంగా కొట్టి చంపాడట.

English summary

Fourteen year old Student held in High School teacher death case.