ఘోరం: ఉగ్రవాదులనుకొని సొంత సైన్యంపైనే దాడి... 10 మంది సైనికులు మృతి

ఘోరం జరిగిపోయింది. ఉగ్రవాదులు ఎవరో.. సైన్యం ఎవరో గుర్తించలేని పరిస్థితిలో సొంత సైన్యంపైనే వైమానిక దాడి జరిగిపోయింది. ఈ దారుణం ఫిలిప్పీన్స్‌లో చోటు చేసుకుంది.

మనీలా: ఘోరం జరిగిపోయింది. ఉగ్రవాదులు ఎవరో.. సైన్యం ఎవరో గుర్తించలేని పరిస్థితిలో సొంత సైన్యంపైనే వైమానిక దాడి జరిగిపోయింది. ఈ దారుణం ఫిలిప్పీన్స్‌లో చోటు చేసుకుంది.

ఫిలిప్పీన్స్‌ వైమానిక దళం ఏకంగా సొంత సైన్యాన్నే ఉగ్రవాదులుగా భ్రమించి దాడులు నిర్వహించింది. ఈ దాడిలో 10 మంది సైనికులు ప్రాణాలు కోల్పోగా.. మరో ఎనిమిది మంది గాయపడ్డారు.

బుధవారం జరిగిన ఈ ఘటన ఆలస్యంగా వెలుగులోకి వచ్చింది. గత వారం ఇస్లామిక్‌స్టేట్‌కు అనుబంధంగా ఉన్న ఉగ్రవాదులతో ఫిలిప్పీన్స్‌ సైన్యం తలపడుతోంది. ఈ దాడుల్లో మొత్తం 100 మందికి పైగా మృతి చెందారు. సైన్యం ఉగ్రవాద సంస్థకు చెందిన అత్యున్నత నాయకత్వాన్ని అరెస్టు చేయడానికి ప్రయత్నించినప్పుడు ఈ పోరాటం చోటు చేసుకుంది.

ఈ క్రమంలో బుధవారం ఆ దేశ వైమానిక దళం సొంత సైన్యంపైనే దాడులు నిర్వహించింది. ఈ విషయాన్ని ఆ దేశ రక్షణ శాఖ కార్యదర్శి లోరెన్జనా తెలిపారు. ఆ దేశ అధ్యక్షుడు రోడ్రిగో ఇటీవల మిన్డానో ఐలాండ్‌లోని మార్వీ పట్టణంలో మార్షల్‌ లాను విధించారు.

ఈ నేపథ్యంలో అక్కడి భద్రతా దళాలు లిస్నిలోన్‌ హపిలోన్‌ అనే ఉగ్రవాద నాయకుడిని అరెస్టు చేసేందుకు దాడులు చేపట్టాయి. ఆయన్ను రక్షించేందుకు భారీ సంఖ్యలో ఉగ్రవాదులు అక్కడకు చేరుకుని పట్టణంలోని కొన్ని ప్రాంతాలను వారి ఆధీనంలోకి తీసుకున్నారు. దీంతో ఆ దేశ సైన్యం , వైమానిక దళం సంయుక్తంగా దాడులు చేపట్టాయి.

English summary

At least 10 Philippine troops have been killed by air strikes aimed at taking out Islamist militants who are battling soldiers in the southern city of Marawi, the defence secretary said on Thursday. “A group of our military armed men were hit by our own airstrikes. Ten killed,” defence secretary Delfin Lorenzana told reporters in Manila, adding that his forces had been up against 500 extremists who had a “big plan” to occupy Marawi. Security forces have been battling militants flying the black flags of the Islamic State (IS) group in Marawi, a Muslim city in the predominantly Catholic Philippines.