ప్యారిస్: నేను ముస్లీం, నమ్మితే కౌగిలింత (వీడియో)
ప్యారిస్: ప్యారిస్ నగరంలో ఇస్లామిక్ స్టేట్ (ఐఎస్ఐఎస్) ఉగ్రవాదులు జరిపిన మారణహోమంలో 129 మంది ప్రాణాలు గాలిలో కలిసిపోయాయి. ప్యారిస్ నగర ప్రజలు అమాయకులకు నివాళి అర్పించేందుకు కూడలి వద్దకు వచ్చి విలపిస్తున్నారు.
అదే సమయంలో ఓ యువకుడు కళ్లకు గంతలు కట్టుకుని చేతిలో రెండు ప్లే కార్డులు పెట్టుకుని అక్కడికి వెళ్లాడు. ఆ ప్లే కార్డులలో నేను ఒక ముస్లీం, నన్నంతా టెర్రరిస్టుగా చూస్తున్నారు. అయితే నేను టెర్రరిస్టు కాదు, నన్ను నమ్మితే అలింగనం చేసుకోండి అని వ్రాసి ఉంది.
ఈ విషయం గుర్తించిన ప్యారిస్ ప్రజలు మొదట అతనిని అలింగనం చేసుకోవడానికి భయపడ్డారు. అనంతరం ఒకరి తరువాత ఒకరు వెళ్లి అతనిని అలింగనం చేసుకున్నారు. తరువాత ఆ యువకుడు కళ్లకు గంతలు తీసి తనను నమ్మినందుకు ధన్యవాదాలు తెలిపాడు. ఈ వీడియోను తీసిని స్థానికులు సోషల్ మీడియాలో పోస్టు చేశారు.ఇప్పటి వరకు ఒక కోటి మందికి పైగా ఈ వీడియోను వీక్షించారు.