జపాన్ హైటెక్ బురద బార్ సూపర్ (వీడియో)
టోక్యో: బురదలో కుర్చుని మీకు ఇష్టమైన మద్యం సేవించండి అంటున్నారు. జపాన్ లో ఇలాంటి బురద బార్ ప్రారంభించారు. యువతి, యువకులు ఈ బురద బార్ లో మద్యం సేవించడానికి ఎగబడుతున్నారు.
జపాన్ లోని టోక్యోలో కొత్తగా గాటా బార్ ప్రారంభం అయ్యింది. ఈ బార్ ను చాల విచిత్రంగా ఏర్పాటు చేశారు. విశాలమైన ఓ పెద్ద టబ్ పెట్టి అందులో బురద నింపేశారు. ఈ బురదలో కుర్చుని మద్యం సేవించండి అని ప్రకటనలు ఇస్తున్నారు.
మీకు ఇష్టమైన మద్యం సేవిస్తూ బురదలో సేదతీరవచ్చని చెబుతున్నారు. సముద్రంలో ఖనిజ లవణాలు కలిగిన 8 టన్నుల బురదను తీసుకువచ్చి ఈ పెద్ద టుబ్ లో వేశామని బార్ నిర్వహకులు చెబుతున్నారు.
మా బార్ లో మద్యం కొన్న వారికి ఒక గంట పాటు ఈ టబ్ లో సేద తీరడానికి అవకాశం కల్పిస్తున్నామని అంటున్నారు. బురదలో మద్యం సేవించిన వారు తరువాత స్నానం చేసి దుస్తులు మార్చుకోవడానికి అవసరమైన అన్ని ఏర్పాట్లు చేశామని చెప్పారు. టోక్యోలోని మడ్ బార్ ఇప్పుడు అందరిని ఆకట్టుకుంటున్నది. మందు బాబులు ఆ బార్ లో మద్యం సేవించడానికి ఆసక్తి చూపిస్తున్నారు.