సౌదీలో భారతీయుడ్ని కొట్టి ఇలా తన్నాడు (వీడియో)
సౌదీ: సౌదీ అరేబియాలో ఓ భారతీయుడి మీద అరబ్ ఇంజనీరు విచక్షణా రహితంగా దాడి చేశాడు. అతి దారుణంగా కొట్టి కాలితో తన్ని ఇష్టం వచ్చినట్లు ప్రవర్తించాడు. సదరు ఇంజనీరు మీద కేసు నమోదు చేశామని సౌదీ అరేబియా పోలీసు అధికారులు చెప్పారు.
సౌదీ అరేబియాలో ఓ భారతీయుడిపై ఇలా దాడి చేశారని విదేశీ జర్నలిస్టు ఆ క్లిప్పింగ్స్ సోషల్ మీడియాలో పోస్టు చెయ్యడంతో అసలు విషయం వెలుగు చూసింది. మక్కా మసీదు ప్రాంతంలో ఓ నిర్మాణ విస్తరణ పనులను అరబ్ దేశానికి చెందిన ఓ ఇంజనీరు భారతీయుడికి అప్పగించాడు.
అయితే సరైన సమయంలో పనులు పూర్తి కాలేదని ఆ ఇంజనీరుకు మండిపోయింది. తరువాత భారతీయుడిని గదిలో నిర్బందించి ఇష్టం వచ్చినట్లు దాడి చేశాడు. కిందపడేసి దాడి చేస్తు కాలితో తన్ని అతని మీద ఉమ్మి నానా హంగామా చేశాడు.
కెనాడాకు చెందిన జర్నలిస్టు తారేక్ ఆనే ఆయన ఫేస్ బుక్ లో ఆ దాడి ఆఫోటోలు, క్లిప్పింగ్స్ పెట్టాడు. సౌదీ అరేబియా అధికారులు అరబ్ ఇంజనీరు మీద కేసు నమోదు చేశారు. భారతీయుడికి అరబ్ ఇంజనీరు క్షమాపణ చెప్పాడని, అయితే చట్టపరంగా తాము దర్యాప్తు చేసి చర్యలు తీసుకుంటామని అక్కడి అధికారులు తెలిపారు.