బ్లాక్ మనీ: మరో ఇద్దరు భారతీయుల స్విస్ బ్యాంకు ఖాతాల వెల్లడి
స్విట్జర్లాండ్: స్విస్ బ్యాంకులలో రహస్య బ్యాంకు ఖాతాలకు సంబంధించి ఇద్దరు భారతీయల బండారం బయటపడింది. అక్రమంగా సంపాదించిన సోమ్మును స్విస్ బ్యాంకులో దాచుకున్న భారతీయుల వివరాలను స్వీస్ వెల్లడించింది.
భారతదేశానికి చెందిన ఇద్దరి రహస్య బ్యాంకు అకౌంట్ ల గురించి వెల్లడించింది. సయ్యద్ మహమ్మద్ మసూద్, చాంద్ కౌసర్ మహమ్మద్ మసూద్ ఖాతాలకు సంబంధించిన వివరాలను స్విస్ తన గెజిట్ లో వెల్లడించింది.
అనేక పథకాల పేర్లతో చైన్ లింక్ వ్యాపారం చేస్తు మోసం చేశారని మసూద్ ల మీద కేసులు నమోదు అయ్యాయి. ప్రస్తుతం పలు కేసులు విచారణలో ఉన్నాయి. గతంలో మసూద్ కు సంబంధించిన కొన్ని వివరాలను స్విస్ భారత్ కు అందించింది.
గతంలో మసూద్ ఖాతాలను స్విస్ స్థంభింపజేసింది. జర్మనీ, అమెరికా, పనామా దేశాలకు చెందిన పలువురి పేర్లతో పాటు బహమాస్ వార్ఫ్ లిమిటెడ్ సంస్థ వివరాలను స్విస్ ఈ గెజిట్ లో పోందుపరిచింది. మసూద్ కు ఈ వార్ఫ్ సంస్థలకు సంబంధాలు ఉన్నాయా అని ఆరా తీస్తున్నారు. ఇప్పటి వరకు స్విస్ 7 మంది భారతీయుల బ్యాంకు ఖాతాల వివరాలను బహిర్గతం చేసింది.