• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అరబ్ ఎమిరేట్స్‌లోని ఆ బిగ్ సిటీలో లాక్‌డౌన్: ప్రవేశం నిషేధం

|

అబుధాబి: ఏడాదిన్నర కాలంగా ప్రపంచాన్ని పట్టి పీడిస్తోన్న ప్రాణాంతక కరోనా వైరస్ తన రూపాన్ని మార్చుకుని విజృంభిస్తోంది. కొత్త మ్యూటెంట్ల..వేరియంట్లు పుట్టుకొస్తోన్నాయి. ఈ మహమ్మారిని నిర్మూలించడానికి ఒకవంక ప్రపంచవ్యాప్తంగా వ్యాక్సినేషన్ కార్యక్రమం జోరుగా సాగుతోన్నప్పటికీ.. కొత్త వేరియంట్లు పుట్టుకొస్తోండటం పెను సవాల్‌గా మారింది. కరోనా వైరస్ డెల్టా వేరియంట్లు ఇప్పుడు ప్రమాదకరంగా పరిణమించాయి. కరోనా వైరస్ థర్డ్‌వేవ్‌కు ఇది దారి తీస్తోందనే ఆందోళనలు వ్యక్తమౌతోన్నాయి.

తొలిసారి పెదవి విప్పిన చోక్సీ: కొత్త కథ..సీబీఐ, ఈడీలపై కిడ్నాప్ ఆరోపణ: భారత్‌లో ముప్పుతొలిసారి పెదవి విప్పిన చోక్సీ: కొత్త కథ..సీబీఐ, ఈడీలపై కిడ్నాప్ ఆరోపణ: భారత్‌లో ముప్పు

థర్డ్‌వేవ్ తరహా పరిస్థితులను నివారించడానికి ముందుజాగ్రత్త చర్యలు తీసుకుంటోన్నాయి. ఈ పరిస్థితుల మధ్య యునైటెడ్ అరబ్ ఎమిరేట్స్ రాజధాని అబుధాబి పాక్షిక లాక్‌డౌన్‌ను ప్రకటించింది. ఈ నెల 19వ తేదీన తెల్లవారు జామున 5 గంటల నుంచి పాక్షిక లాక్‌డౌన్ అమల్లోకి వస్తుందని తెలిపింది. ఈ మేరకు అబుధాబి అత్యవసర, సంక్షోభ పరిస్థితులు, వైపరీత్యాల నివారణ కమిటీ ఓ ట్వీట్ చేసింది. కోవిడ్ 19 మ్యూటెంట్లు వ్యాప్తి చెందుతోన్నాయని, వాటిని నివారించడానికి పాక్షికంగా లాక్‌డౌన్ విధించినట్లు తెలిపింది.

 UAE: Abu Dhabi announces partial lockdown effective July 19 to prevent Covid19 variants

అబుధాబిలో ప్రవేశించడాన్ని పరిమితం చేశామని ఈ కమిటీ పేర్కొంది. కొత్త మార్గదర్శకాలను విడుదల చేసింది. అబుధాబికి వెళ్లాలనుకునే వారు ఈ నెల 19వ తేదీ నుంచి డిఫ్రాక్టివ్ ఫేస్ ఇంటర్‌ఫెరోమెట్రీ (DPI test) పరీక్షలను జరిపించుకోవాల్సి ఉంటుందని తెలిపింది. 48 గంటల పాటు అబుధాబిలో నివసించ దలిచిన వారు డీపీఐ టెస్టులు, రెండు రోజులకు పైగా ఉండాలనుకునేవారికి పీసీఆర్ పరీక్షలు తప్పనిసరి చేసినట్లు వెల్లడించింది.

తాజా నిబంధనలు రెండు డోసులు లేదా ఒక డోసు వ్యాక్సిన్ తీసుకున్న వారికి కూడా వర్తిస్తుందని అబుధాబి స్పష్టం చేసింది. బహిరంగ ప్రదేశాల్లో మాస్కులను ధరించడం, భౌతిక దూరాన్ని పాటించడం తప్పనిసరిగా పాటించాల్సి ఉంటుందని పేర్కొంది. ప్రజలు అత్యవసర పరిస్థితుల్లో మాత్రమే బయటికి రావాల్సి ఉంటుందని సూచించింది. ఇదివరకట్లా స్వేచ్ఛగా నగరాల మధ్య రాకపోకలు సాగించడంపై ఆంక్షలు విధించామని తెలిపింది. ప్రజా రవాణాలో సీట్ల సామర్థ్యాన్ని 50 శాతానికే పరిమితం చేసింది.

English summary
The Abu Dhabi Emergency, Crisis and Disasters Committee on Thursday approved new entry requirements for Abu Dhabi from Monday, July 19th, as part of proactive efforts to prevent Covid 19 mutated variants.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X