మోడీజీ! దయచేసి నన్ను క్షమించండి: పాక్ మోడల్ (వీడియో)
న్యూఢిల్లీ: పాకిస్తాన్ మోడల్ కందీల్ బాలోచ్ మన ప్రదాని నరేంద్ర మోడీకి క్షమాపణ చెప్పింది. మోడీ పైన అనుచిత వ్యాఖ్యలు చేసినందుకు ఆమె క్షమాపణలు చెప్పింది. తన తీరుకు తాను పశ్చాత్తాప పడుతున్నానని చెప్పింది. అంతేకాదు, తన తీరుకు భారత అభిమానులు కూడా క్షమించాలని చెప్పింది.
ఇందుకు సంబంధించి ఆమె ఓ వీడియోను కూడా విడుదల చేసింది. 'మోడీ మీ ప్రధానమంత్రి. అతనిని తాను మనస్ఫూర్తిగా గౌరవిస్తున్నాను. అతని గురించి పూర్తిగా తెలుసుకున్నాక నేను చాలా ఆశ్చర్యపోయాను. దీంతో, గతంలో తాను ఆయనను కించపరుస్తూ చేసిన వీడియోతో ఆవేదన చెందుతున్నా.'
ఆమె ఇంకా మాట్లాడుతూ... 'మోడీ గారు! దయచేసి నన్ను క్షమించండి. నేను మీ గురించి అలా మాట్లాడాల్సింది కాదు. నేను భారత దేశంలోని ప్రజలను, అభిమానులను బాధపెట్టి ఉంటే క్షమాపణలు కోరుతున్నాను' అని చెప్పింది.
కాగా, గతంలో పాక్ మోడల్ కందీల్ బాలోచ్ ప్రధాని మోడీ పైన అనుచిత వ్యాఖ్యలు చేస్తూ ఓ వీడియో విడుదల చేసింది. నెల పదిహేను రోజుల క్రితం దానిని విడుదల చేసింది. అందులో ఆ నటి ప్రధాని మోడీని అవమానించినట్లుగా, బెదిరించినట్లుగా ఉంది.
ఆమె ఓ వీడియోను తన ఫేస్బుక్ అకౌంటులో పోస్ట్ చేసింది. ఆ వీడియోలో ఆమె.. ప్రధాని మోడీని 'డార్లింగ్' అంటూ పేర్కొంది. సదరు పాకిస్తాన్ నటి మాత్రం చాయ్వాలా అంటూ కించపరిచే విధంగా మాట్లాడింది. అయితే, ఆమె చీప్ పబ్లిసిటీ కోసం ప్రధాని నరేంద్ర మోడీని ఉపయోగించుకొని ఉంటుందని చాలామంది భావించారు.