షాకింగ్ వీడియో: పులి ఎన్క్లోజర్లో దూకిన మహిళ!
టొరంటో: ఓ మహిళ చేసిన సాహసం ఆమెతోపాటు అక్కడున్న వారిని భయాందోళనలకు గురిచేసింది. కెనడాలోని ఓ జూలో ఒక్కసారిగా ఓ మహిళ పులి ఎన్క్లోజర్లో దూకింది. దీంతో అందరూ నిశ్చేష్టులయ్యారు.
ఈ దిగ్భ్రాంతికర ఘటన ఏప్రిల్ 16న కెనడాలోని టొరంటోలో జూలో చోటు చేసుకుంది. సుమంత్రన్ టైగర్ ఎన్క్లోజర్లో ఆ మహిళ దూకడంతో అక్కడున్న పర్యాటకులు షాక్కు గురయ్యారు.
ఆమె తన హాట్(టోపీ) కిందపడటంతో దాన్ని తీసుకునేందుకు ఏకంగా పులి బోనులోకే వెళ్లిందన్నమాట ఈ మహిళ. అయితే, పులికి అడ్డంగా మరో ఫెన్సింగ్ ఉండటంతో ఆమె బతికి బయటపడింది.
లేదంటే ఆ మహిళ పులికి ఆహారంగా అయిపోయుండేది. మహిళ ఎన్క్లోజర్లో దూకడంతోనే తనకేదో ఆహారం దొరికిందనుకున్న పులి అటు ఇటు ఆమెతోపాటు తిరిగింది. వెంటనే మహిళ అక్కడ్నుంచి బయటపడటంతో అక్కడున్నవారంతా ఊపిరి పీల్చుకున్నారు.
కాగా, సదరు మహిళను జూ అధికారులు తీవ్రంగా మందలించారు. ప్రమాదమని తెలిసినా ఇలాంటి పనులు చేయమేంటని మండిపడ్డారు. కాగా, ఈ ఘటనపై ఉన్నతాధికారులు విచారణకు ఆదేశించారు.
2014, సెప్టెంబర్లో మన దేశ రాజధాని ఢిల్లీలో ఓ 20ఏళ్ల యువకుడు జూలోని పులి ముందు దూకి ప్రాణాలు కోల్పోయిన విషయం తెలిసిందే.