ఇతర దేశస్థుల వల్ల అమెరికాకు మేలు: ట్రంప్‌కు వారెన్ బఫెట్ షాక్

అమెరికాలో జరుగుతున్న దాడుల పైన ప్రముఖ వ్యాపారవేత్త వారెన్ బఫెట్ స్పందించారు. గత కొద్ది రోజులుగా అమెరికాలో దాడులు జరుగుతున్నాయి.

వాషింగ్టన్: అమెరికాలో జరుగుతున్న దాడుల పైన ప్రముఖ వ్యాపారవేత్త వారెన్ బఫెట్ స్పందించారు. గత కొద్ది రోజులుగా అమెరికాలో దాడులు జరుగుతున్నాయి. కాన్సాస్‌లో జరిగిన కాల్పుల్లో తెలుగు వ్యక్తి శ్రీనివాస్ మృతి చెందిన విషయం తెలిసిందే.

ఈ నేపథ్యంలో ఇతర దేశస్థులపై జరుగుతున్న దాడులపై బఫెట్‌ మాట్లాడారు. అమెరికాకు ప్రపంచంలోని అన్ని దేశాల నుంచి వలసలు రావడంతో నష్టం ఏం జరగలేదని వ్యాఖ్యానించారు.

ఇతర దేశాలు రావడం వల్ల మరింత మేలు జరుగుతోందని, తన కంపెనీ బెర్క్ షైర్‌ హాత్‌వే వాటాదారులకు రాసిన లేఖలో వెల్లడించారు.

అమెరికన్ల తెలివితో పాటు మార్కెట్‌ విధానం, కష్టించి పని చేసే వలస ప్రజలు, పటిష్టమైన న్యాయవ్యవస్థ... తదితర అంశాలతో అమెరికన్‌ స్వాతంత్య్రయోధులు, ప్రజాస్వామ్య నిర్మాతలు ఆశించిన దానికంటే ఎక్కువగా అభివృద్ధి సాధించామన్నారు.

English summary

Billionaire investor Warren Buffet responded on attacks in America.