ముద్దు నచ్చని రాకుమారుడి ఇలా చేశాడు(వీడియో)
మొరాకో: రాజకుటుంబం తెచ్చిన ఆచారం ఆ రాకుమారుడికి ఇబ్బందిగా మారింది. రాజకుటుంబ ఆచారమైన రాకుమారుడి చేతిని ముద్దాడేందుకు ఇక్కడి సిబ్బంది, అధికారులు, సేవకులు వరుసగా నిలుచుకున్నారు.
అయితే ఆ రాకుమారుడికి మాత్రం ఆ పని ఇష్టం లేదు. దీంతో అతని చేసిన ప్రవర్తన అందరికీ విచిత్రంగా అనిపించింది. అది ఇప్పుడు సోషల్ మీడియాల్లో హల్ చల్ చేస్తోంది.
వివరాల్లోకి వెళితే.. ఉత్తర ఆఫ్రికా దేశమైన మొరాకో రాకుమారుడు ప్రిన్స్ మౌలే హాసన్. ఈ రాకుమారుడి వయసు 12ఏళ్లు. సాధారణంగా రాజకుటుంబాలకు చెందిన వారిని ఎవరైనా అధికారులు, సిబ్బంది కలిసినప్పుడు.. వారికి నమస్కరించి, అనంతరం వారి చేతిని ముద్దాడడం ఆనవాయితీ.
ఇలా అందరూ తన చేతిమీద ముద్దుపెట్టడం ఈ యువ రాకుమారుడికి నచ్చడం లేదు. అందుకే ఎవరైనా ముద్దుపెట్టడానికి చేతిని దగ్గరకు తీసుకోగానే వెంటనే తన చేతిని వెనక్కి లాక్కున్నాడు. దీంతో గమనించిన కొందరు అధికారులు ఆ రాకుమారుడికి షేక్ హ్యాండ్ మాత్రమే ఇచ్చి నమస్కరించారు.