వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అంత‌ర్జాతీయ అంత‌రిక్ష కేంద్రంలో నోరూరించే పిజ్జా రుచులు... (వీడియో)

By Ramesh Babu
|
Google Oneindia TeluguNews

వాషింగ్టన్: వేడి వేడిగా పిజ్జా తింటుంటే.. అబ్బ ఆ రుచే వేరు! మన సంగతి సరేగానీ, పాపం అంతర్జాతీయ అంతరిక్ష కేంద్రం(ఐఎస్ఎస్)లో ఉండే వ్యోమగాముల పరిస్థితేంటి? భూమ్మీదికి తిరిగొచ్చేదాకా పిజ్జా రుచి చూడలేరా?

అంత‌రిక్ష కేంద్రంలో నివ‌సించే వ్యోమ‌గాములకు మనలాగ ఏది పడితే అది తినే అవకాశం ఉండదు. ఎందుకంటే వారు అక్కడ ఉన్నన్నిరోజులు చాలా ఆరోగ్యంగా ఉండాల్సి ఉంటుంది.

అందుకోసం వారు పోష‌కాలు ఎక్కువ‌గా ఉన్న ఆహార ప‌దార్థాల‌నే తీసుకుంటారు. అయితే, అప్పుడప్పుడు వారి నాలుక కొత్త రుచుల కోసం వెంప‌ర్లాడుతుంటుంది. ప్రస్తుతం అక్కడున్న ఇటాలియ‌న్ వ్యోమ‌గామి పావులో నెస్పోలీకి పిజ్జా తినాలని బహు కోరిక.

పాపం ఆయన త‌న ట్వీట్ల‌లో ఎక్కువ‌గా పిజ్జా గురించే ప్ర‌స్తావిస్తుంటాడు. 'నాకు పిజ్జా తినాల‌నుంది, మేఘాల‌ను చూస్తుంటే పిజ్జా గుర్తొస్తోంది..' అంటూ ట్వీట్లు చేస్తుంటాడు.
ఇటీవ‌ల ఓ లైవ్ మానిట‌రింగ్ సెష‌న్‌లో కూడా తాను పిజ్జాను బాగా మిస్ అవుతున్నాన‌ని పావులో చెప్పాడు.

ఈ విష‌యాన్ని సీరియ‌స్‌గా తీసుకున్న అమెరికా అంత‌రిక్ష కేంద్రం నాసా అంతరిక్ష కేంద్రంలోని వ్యోమగాములకు ఓ స‌ర్‌ప్రైజ్ గిఫ్ట్ పంపింది. ఇటీవ‌ల ఐఎస్ఎస్‌కు ఆహారం స‌ర‌ఫ‌రాలో భాగంగా వారికి పిజ్జా తయారు చేసుకునే ప‌దార్థాల‌ను పంపింది.

ఇంకేం, వ్యోమ‌గాముల ఆనందానికి అవ‌ధులు లేవు. ఇన్నాళ్లూ డీహైడ్రేట్ ఆహారం తిని తిని చప్పబడిపోయి ఉన్న నాలుక‌కు కొత్త రుచిని త‌గిలించారు. వారు పిజ్జా తయారు చేసుకుని, గాల్లో ఎగురుతున్న పిజ్జాల‌ను తింటూ ఫొటోల‌కు పోజులిచ్చారు. అంతేకాదు.. వారి ఆనందాన్ని పంచుకుంటూ ఓ వీడియోను కూడా షేర్ చేశారు. మీరూ చూడండి మరి!

English summary
Space chiefs have kept Italian astronaut Paolo Nespoli happy by sending him and his crew some pizza.Nespoli, 60, Europe’s oldest astronaut and on his third trip to space, casually mentioned he was missing Italy’s most famous export during a live link. A supply spacecraft in mid-November brought all the necessary ingredients: sauce, cheese, pepperoni, anchovy paste, tomatoes and more. Now NASA has released a video showing the crew aboard the International Space Station tucking into their treats. It shows astronauts playfully using the lack of gravity to spin the pizza on their fingers and pass them in front of the camera.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X