శ్వేతసౌధం ఘోరమైన తప్పిదం! ప్రధానికి బదులు.. పోర్న్ స్టార్ కు ఆహ్వానం!!

శ్వేతసౌధం ఘోరమైన తప్పిదం చేసింది. త్వరలోనే తమ దేశంలో పర్యటించబోతున్న బ్రిటన్ ప్రధాని థెరిసా మే పేరుకు బదులు ఒక పోర్న్ స్టార్ పేరును అధికారిక షెడ్యూల్ లో ప్రచురించింది.

వాషింగ్టన్: కొత్త అధ్యక్షుడి పాలనలోకి వచ్చిన శ్వేతసౌధం ఘోరమైన తప్పిదం చేసింది. త్వరలోనే తమ దేశంలో పర్యటించబోతున్న బ్రిటన్ ప్రధాని థెరిసా మే పేరుకు బదులు ఒక పోర్న్ స్టార్ పేరును అధికారిక షెడ్యూల్ లో ప్రచురించింది.

అది కూడా ఒకసారి కాదు.. ఏకంగా మూడుసార్లు పేరును మార్చేసింది. అమెరికా ప్రస్తుత అధ్యక్షుడు డొనాల్డ్ ట్రంప్ వద్ద ఉన్న అధికారుల్లో ఒకరు ఆ షెడ్యూల్ కు సంబంధించిన పత్రంలో థెరిసా మే పేరు రాసేటప్పుడు అందులో 'హెచ్' అనే అక్షరాన్ని వదిలేశారు.

దాంతో ఆ పేరు కాస్తా 'టెరెసా మే'అయిపోయింది. కానీ అదే పేరుతో ఒక పోర్న్ స్టార్ ఉంది. వాస్తవానికి బ్రిటన్ ప్రధాని థెరిసా మే తన అధికారిక పర్యటనలో భాగంగా ట్రంప్ తో ద్వైపాక్షిక సమావేశంలో పాల్గొనడంతో పాటుగా సంయుక్త విలేకరుల సమావేశం కూడా నిర్వహించాల్సి ఉంది.

వైట్ హస్ నుంచి ప్రతిరోజూ వచ్చే కార్యక్రమాల వివరాలలో భాగంగా ప్రెస్ సెక్రటరీ ఈ పర్యటన వివరాలను కూడా వెల్లడించారు. అందులో థెరిసా మే పేరులోని అక్షరాన్ని వదిలేయడంతో ఘోరమైన తప్పు జరిగిపోయింది.

టెరెసా మే గతంలో మోడల్ గా పని చేసి, ప్రస్తుతం పోర్న్ సినిమా స్టార్ గా ఉంది. గత వేసవి కాలంలో బ్రెగ్జిట్ నిర్ణయం అనంతరం నాటి ప్రధాని డేవిడ్ కామెరాన్ రాజీనామా చేయడంతో బ్రిటన్ కొత్త ప్రధానమంత్రి ఎవరవుతారనే చర్చ జరిగిన సందర్భంలో కూడా థెరెసా మే పేరుతోపాటు టెరెసా మే పేరు కూడా ట్విట్టర్ లో మారుమోగిపోయింది.

English summary

In a major gaffe, the White House misspelled British Prime Minister Theresa May’s name three times in an official schedule of her visit to the US, confusing her name with a porn star. Staff in US President Donald Trump’s administration missed out the ‘h’ in her name in a document setting out the plan for talks on Friday, including a “bilateral meeting” in the Oval Office and a “working luncheon” following a joint press conference.