నైట్‌క్లబ్‌కి వెళ్లేందుకు చిన్నారిని కార్లో వదిలేసిన యువతి

హోస్టన్: 24 ఏళ్ల ఓ మహిళ తన మూడేళ్ల చిన్నారిని కారులోనే ఉంచి.. తాను మాత్రం నైట్ క్లబ్‌కు చిందులేసేందుకు వెళ్లింది! ఈ సంఘటనకు సంబంధించి సదరు మహిళను పోలీసులు ఆదివారం అరెస్టు చేశారు. దక్షిణాసియా ప్రాంతానికి చెందిన ఉజ్మాషేక్ ఈశాన్య హారిస్ కౌంటీలో ఓ క్లబ్‌కు వెళుతూ మూడేళ్ల కొడుకును తీసుకెళ్లింది.

ఎంట్రన్స్ డోర్ దగ్గరున్న వ్యక్తి ఆమెను అనుమతించలేదు. దాంతో ఆమె వెనక్కి వెళ్లి చిన్నారిని కార్లో వదిలేసి లాక్ చేసి తిరిగొచ్చింది. అనుమానం వచ్చిన కాపలాదారుడు కారు వద్దకు చేరుకుని చూడగా లోపల చిన్నారి కనిపించాడు.

చిన్నారి గురించి కాపలాదారు, ఇతరులు ఆమెను అడిగారు. అయితే ఆమె మాత్రం తన స్నేహితులు చిన్నారిని తీసుకు వెళ్లారని చెప్పింది. అయితే వారు ఆమె మాటలను నమ్మలేదు. దీంతో కాపలాదారు వెళ్లి చూడగా చిన్నారి కారులో కనిపించాడు.

ఈ విషయాన్ని వారు పోలీసులకు చెప్పారు. వారు వచ్చి ఆమెను విచారించారు. 2వేల డాలర్ల బాండ్‌ను సమర్పించిన అనంతరం ఆమె విడుదలైంది.

English summary

A 24 year old woman is accused of leaving he son alone in a car.