జూన్ 3న ఎమ్మెల్యేగా ఉత్తమ్ రాజీనామా .. కీలకంగా మారనున్న హుజూర్ నగర్ ఎన్నిక
Recommended Video
అసెంబ్లీ ఎన్నికల్లో హుజుర్నగర్ నుండి పోటీ చేసి విజయాన్ని సాధించిన ఉత్తమ్ కుమార్ రెడ్డి.. ఆ పదవికి ఈ జూన్ 3 వ తేదీన రాజీనామా చేయనున్నారు. ఇటీవల నిర్వహించిన పార్లమెంట్ ఎన్నికల్లో నల్గొండ నుండి పోటీ చేసిన ఉత్తమ్.. ఎంపి గానూ గెలుపొందారు. ఈ నేపథ్యంలో.. ఎంపి గా కొనసాగాలని నిర్ణయించిన ఉత్తమ్.. ఎంఎల్ఎ పదవికి రాజీనామా చేయనున్నారు. ఉత్తమ్ రాజీనామా చేస్తే త్వరలోనే హుజుర్ నగర్ లో ఉప ఎన్నిక నిర్వహిస్తారు.
ఉగ్రవాదులకు సహకరించేవారిని శాశ్వతంగా ఏరేస్తాం .. ఇండియా ధర్మసత్రం కాదన్న మంత్రి కిషన్ రెడ్డి
ఉత్తమ్ కుమార్ నల్లగొండ నుండి ఎంపీగా గెలవడంతో, తాను ఎమ్మెల్యేగా ఎన్నికైనప్పటికీ హుజుర్ నగర్ నియోజక వర్గ ఎమ్మెల్యే పదవికి రాజీనామా చేయాల్సి వస్తుంది . అయితే ఇప్పుడు అక్కడ కాంగ్రెస్ అభ్యర్థిని గెలిపించుకోవడం అంత సాధారణం కాదు. అయితే ఆ స్థానంలో ఉత్తమ్ కుమార్ భార్య కి టికెట్ వచ్చే అవకాశం ఉందని అందరు భావిస్తున్నారు . ఇక ఆ స్థానం నుండి టీఆర్ ఎస్ అభ్యర్థిగా ఎవరు పోటీ చేస్తారు అన్న దానిపై క్లారిటీ లేదు. తాజాగా పార్లమెంట్ ఎన్నికల్లో ఓటమి పాలైన కేసీఆర్ తనయ కల్వకుంట్ల కవిత పోటీ చేస్తారని కొందరు భావిస్తున్నారు.
ఉత్తమ్ కుమార్ రెడ్డి చేతిలో కేవలం మూడు వేల ఓట్లతో ఓటమి పాలైన సైదిరెడ్డి కి అవకాశం ఇస్తారని కొందరు భావిస్తున్నారు. ఏది ఏమైనా ఉప ఎన్నికలో అక్కడ కాంగ్రెస్ చాలా గట్టి పోటీ ఎదుర్కోవాల్సి వస్తుంది. తెలంగాణా ముందస్తు ఎన్నికల్లో కాంగ్రెస్ పార్టీ నుండి హేమాహేమీలు ఓటమి పాలైనా హుజూర్ నగర్ నుండి ఉత్తమ్ కుమార్ రెడ్డి విజయం సాధించారు. ఇక ఆ స్థానాన్ని కాపాడుకునే బాధ్యత ఉత్తమ్ పైన ఉంది . హుజూర్ నగర్ ఎన్నిక ఇరు పార్టీలకు కీలకంగా మారనుంది.