ఇష్టమైన క్రికెటర్ గిల్క్రిస్ట్
గిల్క్రిస్ట్ లాగే దూకుడుగా ఆడేందుకు ఇష్టపడుతాడతానని ఓ ఇంటర్యూలో చెప్పాడు. 17 ఏళ్ల వయసులో ఫకార్ పాకిస్థాన్ నేవీలో జవానుగా చేరాడు. కానీ అతనికి క్రికెట్ అంటే ఇష్టం. నేవీ సెయిలర్గా ఉద్యోగం వచ్చినా అతనికి అందులో తృప్తి దొరకలేదు. మంచి జీతం వస్తున్నా ఆ ఉద్యోగాన్ని వదిలేయాలని అనుకున్నాడు. క్రికెట్ మీద ఉన్న ఇష్టంతోనే నేవీ ఉద్యోగానికి వీడ్కోలు పలికాలని నిర్ణయించాడు.
కరాచీలోని నేవీ శిక్షణ కేంద్రంలో ట్రైనింగ్
కరాచీలోని నేవీ శిక్షణ కేంద్రంలోనూ ఏడాది పాటు ట్రైనింగ్ తీసుకున్న తర్వాత ఆ ఉద్యోగాన్ని వదిలేయాలని అనుకున్నాడు. అయితే నేవల్ అకాడమీలో క్రికెట్ కోచ్ను కలిసిన జమాన్ తన ఇష్టాన్ని తెలిపాడు. ఈ క్రమంలో కోచ్ అతడికి ఒక ఛాన్స్ ఇచ్చాడు. ఆ అవకాశాన్ని సద్వినియోగం చేసుకున్న ఫకార్ అకాడమీలో టాప్ క్రికెటర్గా ఎదిగాడు. ఆ తర్వాత అకాడమీ కోచ్ జమాన్ను మరో కోచ్కు పరిచయం చేశాడు.
కరాచీ అండర్-19, అండర్-23 తరపున ఫస్ట్ క్లాస్ క్రికెట్
కొత్త కోచ్ వద్ద మరిన్ని మెళకువలు నేర్చుకున్నాడు. ఆ తర్వాత నేవీ సర్వీస్ నుంచి ఫకార్ను తప్పించారు. అనంతరం అతడు క్రికెట్పై మరింత శ్రద్ధ పెట్టాడు. కరాచీ అండర్-19, అండర్-23 తరపున ఫస్ట్ క్లాస్ క్రికెట్ ఆడాడు. ఆ టోర్నీలో సెంచరీలతో అద్భుత ప్రదర్శన చేసిన ఫకార్ ఆ తర్వాత అతను పాకిస్థాన్ క్రికెట్ లీగ్కు ఎంపికయ్యాడు. అక్కడ కూడా సెంచరీలతో సత్తాచాటాడు.
|
ఫైనల్లో మ్యాన్ ఆఫ్ ద మ్యాచ్గా
ఖైబర్ ప్రావిన్సు తరపున పాకిస్థాన్ క్రికెట్ లీగ్లో ఆడిన జమాన్ తన అద్భుత ప్రదర్శనతో పాక్ జాతీయ సెలక్టర్ల దృష్టిని ఆకర్షించాడు. ఆ తర్వాత అతడు పాక్ జాతీయ జట్టులో చోటు దక్కించుకున్నాడు. ఛాంపియన్స్ ట్రోఫీ ఫైనల్లో టీమిండియాతో జరిగిన మ్యాచ్లో తన తొలి వన్డే సెంచరీని నమోదు చేసి ఫైనల్లో మ్యాన్ ఆఫ్ ద మ్యాచ్గా నిలిచాడు.