హైదరాబాద్: ఛాంపియన్స్ ట్రోఫీలో భాగంగా ది ఓవల్ వేదికగా శ్రీలంకతో జరిగిన మ్యాచ్లో టీమిండియా మాజీ కెప్టెన్ మహేంద్ర సింగ్ ధోని అరుదైన ఘనత సాధించాడు. ఈ మ్యాచ్లో యువరాజ్ సింగ్ అవుటైన తర్వాత క్రీజులోకి వచ్చిన ధోని అద్భుత ప్రదర్శన చేశాడు.
ఛాంపియన్స్ ట్రోఫీ స్పెషల్ | ఫోటోలు | స్కోరు కార్డు
52 బంతుల్లో 7 ఫోర్లు, 2 సిక్సుల సాయంతో 63 పరుగులతో అర్ధ సెంచరీని సాధించాడు. వన్డే కెరీర్లో ధోనికి ఇది 62వ అర్ధ సెంచరీ. శ్రీలంకతో జరిగిన మ్యాచ్లో 33.3 ఓవర్లకు గాను 3 వికెట్లు కోల్పోయి 179 పరుగులు చేసింది. యువీ అవుటైన తర్వాత ఐదో స్ధానంలో బ్యాటింగ్కి వచ్చిన ధోనిపై ఒత్తిడి ఉంటుందని అంతా భావించారు.
అయితే సిక్స్తో పరుగులు ఖాతా తెరిచిన ధోని చివరి ఓవర్ వరకూ శ్రీలంక బౌలర్లను సమర్ధవంతంగా ఎదుర్కొన్నాడు. ఈ మ్యాచ్లో రెండు సిక్స్లు కొట్టిన ధోని విదేశీ గడ్డపై అత్యధిక సిక్సర్లు కొట్టిన భారత బ్యాట్స్ మెన్గా రికార్డు సృష్టించాడు. ఇప్పటి వరకు ఈ రికార్డు మాజీ కెప్టెన్ గంగూలీ పేరిట ఉండేది.
కాగా, 49.2వ ఓవర్లో చండీమాల్ బౌలింగ్లో ధోనీ అవుటైన సంగతి తెలిసిందే. 296 మ్యాచ్లాడిన గంగూలీ 159 సిక్సర్లు బాదగా, 281 మ్యాచ్ల్లోనే ధోని 161 సిక్స్లతో ఆ రికార్డుని అధిగమించాడు. ఈ జాబితాలో పాకిస్థాన్ క్రికెటర్ అఫ్రిది 402 సిక్సర్లతో అగ్రస్థానంలో కొనసాగుతున్నాడు.
బ్యాట్స్ మెన్ | మ్యాచ్ | పరుగులు | అత్యధిక స్కోరు | 100s | 4s | 6s |
Shahid Afridi | 450 | 9,188 | 141 | 9 | 843 | 402 |
Chris Gayle | 248 | 10,704 | 333 | 27 | 1313 | 277 |
Sanath Jayasuriya | 392 | 12,974 | 253 | 26 | 1522 | 261 |
Shane Watson | 205 | 6,928 | 185* | 9 | 756 | 183 |
AB de Villiers | 226 | 10,515 | 278* | 25 | 991 | 175 |
Misbah-ul-Haq (Pakistan) | 243 | 10,318 | 161* | 10 | 832 | 171 |
Brendon McCullum | 238 | 7,110 | 225 | 8 | 729 | 168 |
Ricky Ponting | 311 | 14,366 | 206 | 35 | 1501 | 165 |
MS Dhoni | 281 | 8,618 | 148 | 4 | 767 | 161 |
Ganguly (India) | 296 | 12,285 | 183 | 26 | 1309 | 159 |