వార్నర్ ఇచ్చిన క్యాచ్లను పట్టుకోవడంలో
డేవిడ్ వార్నర్ ఇచ్చిన క్యాచ్లను పట్టుకోవడంలో ఆటగాళ్లు వైఫల్యం చెందారని, ఇది తాము భారీ మూల్యాన్ని చెల్లించేలా చేసిందని అన్నాడు. పదో ఓవర్లో వార్నర్ క్యాచ్ని క్రిస్ వోక్స్ జారవిడిచాడని ఈ సందర్భంగా గుర్తు చేశాడు. తమ ఆటగాళ్లు ఫీల్డింగ్ను మరింతగా మెరుగు పరచుకోవాల్సి ఉందన్నాడు.
మరింత ఏకాగ్రతతో ఫీల్డింగ్ చేయాలి
మరింత ఏకాగ్రతతో ఫీల్డింగ్ చేయాలని సూచించాడు. ‘మా ఫీల్డింగ్ని కొంత మెరుగుపరుచుకోవాల్సి ఉంది. అనవసర తప్పిదాల ద్వారా మ్యాచ్ను చేజార్చుకున్నాం. క్యాచ్లు పట్టడం ద్వారా విజయాలు సాధించవచ్చు. వార్నర్ లాంటి విధ్వంసకర బ్యాట్స్మెన్ క్యాచ్ వదిలిపెట్టడం ద్వారానే మ్యాచ్ను చేజార్చుకున్నాం' అని గంభీర్ అన్నాడు.
ఇంకా రెండు మ్యాచ్లు ఆడాల్సి ఉంది
టోర్నీలో భాగంగా సొంతగడ్డపై ఈడెన్ గార్డెన్స్లో తమ జట్టు ఇంకా రెండు మ్యాచ్లు ఆడాల్సి ఉందని చెప్పాడు. ఈ రెండింట్లో జట్టు మంచి ప్రదర్శన చేస్తుందని గంభీర్ ఆశాభావం వ్యక్తం చేశాడు. ఇక, ఈ రెండు గేముల్లో ఏ ఒక్కటి గెలిచినా కోల్కతాకు ప్లే ఆఫ్ అవకాశాలు ఉంటాయి.
రెండు మ్యాచ్లు గెలిస్తే ప్లే ఆఫ్కు
రెండు మ్యాచ్లు గెలిస్తే, ఆ జట్టు కచ్చితంగా ప్లే ఆఫ్కు చేరుకుంటుంది. మరోవైపు ముంబై ఇండియన్స్కు అవకాశాలు కూడా ఇదే విధంగా ఉండగా, మూడు, నాలుగు స్థానాల్లో సన్ రైజర్స్ హైదరాబాద్, రైజింగ్ పూణె జెయింట్స్ జట్లు ఉన్నాయి. ఆదివారం కోల్కతాపై డేవిడ్ వార్నర్ 59 బంతుల్లో 126 పరుగులతో సెంచరీ చేశాడు.
హ్యాట్రిక్ విజయాల తర్వాత కోల్కతా ఓటమి
ఈ క్రమంలో వార్నర్ ఇన్నింగ్స్ ఆరంభంలో, సెంచరీ ముంగిట ఇచ్చిన రెండు క్యాచ్లను కోల్ కతా ఆటగాడు క్రిస్ వోక్స్ వదిలేశాడు. తాజా ఓటమితో పాయింట్ల పట్టికలో నెంబర్ వన్ స్థానంలో కొనసాగుతోన్న కోల్కతా హ్యాట్రిక్ విజయాల తర్వాత ఓటమిని చవిచూసింది.