ఐపీఎల్కి ముందు తన పరిస్థితి దారుణం
ఐపీఎల్కి ముందు తన పరిస్థితి కూడా దారుణంగా ఉండేదని తన జట్టు ముంబై ఇండియన్స్కు ఇచ్చిన ప్రత్యేక ఇంటర్వ్యూలో వివరించాడు. ‘ఏడాది క్రితం నుంచి క్రికెట్ ఆడటం ఆరంభించాను. అంతకుముందు గోవాలోని ఒక రెస్టారెంట్లో వెయిటర్గా పనిచేశాను. నేను క్రికెట్ ఆడుతున్నానని నా కుటుంబానికి చెప్పలేదు' అని అందులో తెలిపాడు.
బూట్లు కొనుగోలు చేసేందుకు డబ్బులు కూడా లేవు
'ప్రాక్టీస్ చేసేందుకు అవసరమైన బూట్లు(స్పైక్స్) కొనుగోలు చేసేందుకు డబ్బులు కూడా లేవు. మైదానంలోనే ఎక్కువసేపు ఉండి బాగా శ్రమించేవాడిని. సాయంకాలం వేళలో జిమ్లో కసరత్తులు చేయడానికి వెళ్లేవాడిని. నేను క్రికెట్ ఆడేందుకు వెళ్తున్నానని మా కుటుంబంలో ఎవరికీ చెప్పలేదు' అని అన్నాడు.
ఢిల్లీలోని లాల్ బహుదూర్ శాస్త్రి క్లబ్లో శిక్షణ తీసుకున్నా
'ఢిల్లీలోని లాల్ బహుదూర్ శాస్త్రి క్లబ్లో శిక్షణ తీసుకున్నా. అక్కడే సీనియర్ క్రికెటర్లు గౌతమ్ గంభీర్, యువ క్రికెటర్లు ఉన్ముక్త్ చంద్, నితీశ్ రాణాలను చూశా. నా జీవితంలో నేను ఏదైనా సాధించలేకపోతే నేను నా మనసాక్షికి సమాధానం చెప్పుకోవాల్సి వస్తుంది. ప్రస్తుతం నేను అనుకున్నది సాధించాను. మా గ్రామంతో పాటు జిల్లాలోని అభిమానులు చాలా గర్వంగా ఫీలవుతున్నారు' అని చెప్పాడు.
|
ఢిల్లీ తరఫున విజయ్ హజారే ట్రోఫీలో అరంగేట్రం
2016 విజయ్ హజారే ట్రోఫీలో ఢిల్లీ తరఫున దేశవాళీ క్రికెట్లో అరంగేట్రం చేశాడు. ఈ ఏడాది జరిగిన ఐపీఎల్ వేలంలో ముంబై ఇండియన్స్ ఫ్రాంఛైజీ కనీస ధర రూ.10 లక్షలకు కుల్వంత్ను కొనుగోలు చేసింది. ఈ సీజన్లో కుల్వంత్ ముంబై తరుపున అరంగేట్రం చేయలేదు. అయితే ముంబై జట్టు నిర్వహించిన ప్రాక్టీస్ సెషన్స్లో మాత్రం సత్తా చాటుతున్నాడు.