న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

ఐపీఎల్ ఎలిమినేటర్: సన్‌రైజర్స్ Vs కోల్‌కతా. ఇంటికెళ్లేదెవరో?

ఇండియన్ ప్రీమియర్ లీగ్ (ఐపీఎల్) పదో సీజన్‌లో క్వాలిఫయిర్-1 మ్యాచ్ ముగిసింది. ఇక ఎలిమినేటర్‌కు రంగం సిద్ధమైంది. క్వాలిఫయర్‌లో ఓడిన జట్టుకు ఉన్నట్లు ఇక్కడ మరో అవకాశం ఉండదు.

By Nageshwara Rao

హైదరాబాద్: ఇండియన్ ప్రీమియర్ లీగ్ (ఐపీఎల్) పదో సీజన్‌లో క్వాలిఫయిర్-1 మ్యాచ్ ముగిసింది. ఇక ఎలిమినేటర్‌కు రంగం సిద్ధమైంది. క్వాలిఫయర్‌లో ఓడిన జట్టుకు ఉన్నట్లు ఇక్కడ మరో అవకాశం ఉండదు. ఓడిన జట్టు ఇంటికి వెళ్లాల్సి ఉంటుంది. నాకౌట్‌లో ఇంటికెళ్లే జట్టు ఏదో, రెండో క్వాలిఫయర్లో ఆడే అవకాశం దక్కించుకునే జట్టేదో తెలియాలంటే మరికొన్ని గంటలు ఆగాల్సిందే.

ఐపీఎల్ ప్రత్యేక వార్తలు | ఐపీఎల్ పాయింట్ల పట్టిక | ఐపీఎల్ 2017 ఫోటోలు

ఎలిమినేటర్ మ్యాచ్‌లో భాగంగా బుధవారం సన్‌రైజర్స్‌ హైదరాబాద్‌, కోల్‌కతా నైట్‌రైడర్స్‌ జట్లు అమీతుమీ తేల్చుకోనున్నాయి. బెంగళూరులోని చిన్నస్వామి స్టేడియంలో ఈ మ్యాచ్ జరగనుంది. ఈ మ్యాచ్‌లో విజయం సాధించి క్వాలిఫయిర్-2కు అర్హత సాధించాలని ఇరుజట్లు ఊవిళ్లూరుతున్నాయి.

సమాన విజయాలు 8 విజయాలు

సమాన విజయాలు 8 విజయాలు

లీగ్‌ దశలో రెండు జట్లూ సమాన విజయాలు (8) సాధించాయి. ముఖాముఖి పోరులో చెరో మ్యాచ్‌ గెలిచాయి. బలాబలాలు కూడా దాదాపు సమానంగానే ఉన్నాయి. అందుకే ఎలిమినేటర్‌ మ్యాచ్‌లో ఫలానా జట్టే ఫేవరెట్‌ అని చెప్పడం కష్టం. హైదరాబాద్‌ బౌలింగ్‌లో బలంగా కనిపిస్తుంటే.. కోల్‌కతా బ్యాటింగే బలంగా బరిలోకి దిగుతోంది. ఈ మ్యాచ్‌లో సన్‌రైజర్స్‌ కెప్టెన్‌ డేవిడ్‌ వార్నర్‌ పైనే నమ్మకం పెట్టుకుంది. లీగ్ దశలో వార్నర్ ఆడిన అన్ని మ్యాచ్‌ల్లో జట్టు సునాయాసంగా గెలిచింది. వార్నర్ సైతం ఈ సీజన్‌లో అద్భుత ప్రదర్శన కనబరుస్తున్నాడు. వార్నర్‌ను ఆరంభంలోనే ఔట్‌ చేస్తేనే కోల్‌కతా పట్టు సాధిస్తుంది. లేదంటే అతను పది ఓవర్లు ఆడినా నైట్‌రైడర్స్‌కు కష్టాలు తప్పవు.

వార్నర్, ధావన్‌ల బ్యాటింగ్ పై ఆధారపడ్డ సన్‌రైజర్స్

వార్నర్, ధావన్‌ల బ్యాటింగ్ పై ఆధారపడ్డ సన్‌రైజర్స్

వార్నర్‌కు జతగా మరో ఓపెనర్ శిఖర్ ధావన్ కూడా అద్భుతంగా రాణిస్తున్నాడు. ఐపీఎల్ పదో సీజన్‌లో అత్యధిక పరుగుల సాధించిన ఆటగాళ్ల జాబితాలో వార్నర్‌ (604) తర్వాతి స్థానంలో శిఖర్‌ ధావన్‌ (468) ఉన్నాడు. ఇక బౌలింగ్ లోనూ సన్ రైజర్స్ హైదరాబాద్‌కు తిరుగులేదు. భువనేశ్వర్‌, రషీద్‌ ఖాన్‌, మహ్మద్‌ నబి, సిద్దార్థ్‌ కౌల్‌, మహ్మద్‌ సిరాజ్‌.. ఇలా సన్‌రైజర్స్‌ బౌలర్లలో ప్రతి ఒక్కరూ ఈ సీజన్లో సత్తా చాటుకున్నారు. దీంతో ఎలిమినేటర్‌ మ్యాచ్‌లో భువనేశ్వర్‌, రషీద్‌ ఖాన్‌ల పాత్ర కీలకం అంటున్నారు. భువీ 25 వికెట్లతో బౌలర్ల జాబితాలో అగ్రస్థానంలో కొనసాగుతున్నాడు.

డెత్‌ ఓవర్లలో సత్తా చాటుతున్న భువనేశ్వర్ కుమార్

డెత్‌ ఓవర్లలో సత్తా చాటుతున్న భువనేశ్వర్ కుమార్

డెత్‌ ఓవర్లలో అతను కట్టుదిట్టమైన బౌలింగ్‌తో సత్తా చాటుతున్నాడు. మరోవైపు హైదరాబాదీ యువ బౌలర్‌ మొహమ్మద్‌ సిరాజ్‌ కూడా తన సత్తా చాటుతున్నాడు. గుజరాత్‌తో తప్పక గెలవాల్సిన మ్యాచ్‌లో అతను 4 వికెట్లు తీసి సన్‌రైజర్స్‌ విజయంలో కీలక పాత్ర పోషించాడు. ఈ సీజన్‌లో 17 వికెట్లు తీసిన అఫ్ఘాన్ స్పిన్నర్‌ రషీద్‌ ఖాన్‌ కూడా రాణిస్తున్నాడు. మరోవైపు కోల్‌కతా బౌలింగ్‌లో నిలకడ లేకపోయినా.. ఆ జట్టు బ్యాటింగ్‌ బలంగా ఉంది. సీనియర్‌ బ్యాట్స్‌మన్, కెప్టెన్‌ గంభీర్‌ సూపర్‌ ఫామ్‌లో ఉన్నాడు. అత్యధిక పరుగుల వీరుల జాబితాలో వార్నర్, ధావన్‌ల తర్వాత మూడో స్థానం గంభీర్‌దే. ఆడిన ఐదు మ్యాచ్‌ల్లో మూడు అర్ధ సెంచరీలు సాధించాడు.

సునీల్‌ నరైన్‌ భారీ ఓపెనింగ్ ఇన్నింగ్స్ చూస్తామా?

సునీల్‌ నరైన్‌ భారీ ఓపెనింగ్ ఇన్నింగ్స్ చూస్తామా?

ఓపెనర్‌గా వస్తున్న సునీల్‌ నరైన్‌ అడపాదడపా భారీ షాట్లతో చక్కటి శుభారంభాన్ని ఇస్తున్నాడు. మిడిలార్డర్‌లో మనీశ్‌ పాండే, యూసుఫ్‌ పఠాన్, గ్రాండ్‌హోమ్‌లు కూడా నిలకడగా ఆడుతున్నారు. ఇక బౌలింగ్ విషయానికి వస్తే బౌల్ట్‌, ఉమేశ్‌ యాదవ్‌, కుల్దీప్‌ యాదవ్‌ల మీద ఆశలు పెట్టుకుంది. ఇదిలా ఉంటే ఎలిమినేటర్ మ్యాచ్‌కు సన్ రైజర్స్‌కు ఆశిష్ నెహ్రా దూరమవ్వడం ఎదురుదెబ్బేనని విశ్లేషకులు అంటున్నారు. ఆశిష్‌ నెహ్రా గాయంతో ఐపీఎల్‌కు దూరమయ్యాడు. ‘నెహ్రా గాయం నుంచి కోలుకోలేదు. దీంతో మిగతా మ్యాచ్‌లకు అందుబాటులో లేడు' అని హైదరాబాద్‌ కోచ్‌ టామ్‌ మూడీ వెల్లడించారు. ఈ సీజన్‌లో 6 మ్యాచ్‌లాడిన నెహ్రా 8 వికెట్లు తీశాడు.

Story first published: Monday, November 13, 2017, 12:14 [IST]
Other articles published on Nov 13, 2017
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X