హైదరాబాద్: ప్రస్తుత, మాజీ క్రికెటర్ల పుట్టినరోజు తనదైన స్టైల్లో పుట్టినరోజు విషెస్ చెప్పడం టీమిండియా మాజీ డాషింగ్ ఓపెనర్ వీరేంద్ర సెహ్వాగ్ నైజం. శుక్రవారం 39వ పుట్టినరోజుని జరుపుకుంటున్న వీరేంద్ర సెహ్వాగ్కి క్రికెట్ లెజెండ్ సచిన్ టెండూల్కర్ పుట్టినరోజు శుభాకాంక్షలు వెరైటీగా తెలిపాడు.
39వ పడిలోకి సెహ్వాగ్: బెస్ట్ ట్వీట్ ఎవరిదో తెలుసా?
.ǝɯ ɯoɹɟ ǝuo s,ǝɹǝɥ os ˙😜pןǝıɟ uo noʎ pןoʇ ǝʌɐɥ ı ʇɐɥʍ ɟo ɐʇןn ǝuop sʎɐʍןɐ ǝʌ,noʎ ˙ɹɐǝʎ ʍǝu ǝɥʇ oʇ ʇɹɐʇs ʇɐǝɹƃ ɐ ǝʌɐɥ ¡nɹıʌ 'ʎɐpɥʇɹıq ʎddɐɥ pic.twitter.com/L1XTzhzoiU
— sachin tendulkar (@sachin_rt) October 20, 2017
'హ్యాపీ బర్త్డే వీరూ... హావ్ గ్రేట్ స్టార్ట్ టు ద న్యూ ఇయర్.. మైదానంలో నేను చెప్పిన దానికి నువ్వు ఉల్టాగా (వ్యతిరేకంగా) చేసేవాడివి. అందుకే నీకోసం ఇలా!' అంటూ ట్వీట్లో అక్షరాలను తిరగేసి రాశాడు సచిన్ టెండూల్కర్. సచిన్ చేసిన ట్వీట్ ఇప్పుడు సోషల్ మీడియాలో వైరల్ అయింది.
Thank you God ji 🙏🏼Uparwala sab dekh raha hai, yeh to suna tha, par aaj samajh aaya, woh neeche waalon ke liye likhta kaise hai ! https://t.co/stdodewNuJ
— Virender Sehwag (@virendersehwag) October 20, 2017
ఇక, సచిన్ ట్వీట్పై సెహ్వాగ్ విభిన్నంగా స్పందించాడు. 'థ్యాంక్యూ గాడ్ జీ (దేవుడా), పైవాడు అన్నీ గమనిస్తూనే ఉంటాడని ఇప్పటి వరకూ విన్నాను. ఆయన కింద ఉన్న వాళ్లకు ఎలా రాస్తాడోనని ఇప్పుడు అర్థమైంది' అని సెహ్వాగ్ సచిన్ ట్వీట్కు రిప్లై ఇచ్చాడు.