రింగ్‌లో టెన్నిస్ అందం: బాక్సింగ్‌పై దృష్టి పెట్టిన షరపోవా

ఫిట్‌నెస్‌పై దృష్టిసారించా

ఇందులో భాగంగా ఫిట్‌నెస్‌పై దృష్టిసారించానని పేర్కొంది. 'ఫిట్‌నెస్ సహకరిస్తే 2020 ఒలింపిక్స్‌లో తప్పక ఆడతా. నన్ను నేను ఫిట్‌గా ఉంచుకోవడానికి బాక్సింగ్‌ సాధన చేస్తున్నా. ఎవరిపై పైచేయి సాధించాలనుకుంటున్నానో వారిని వూహించుకుంటూ ప్రాక్టీస్‌ చేస్తున్నా' అని షరపోవా చెప్పింది.

లండన్‌ మొత్తం చుట్టొచ్చా

ఖాళీ సమయంలో పుస్తకాలు చదివానని, క్రొయేషియాలో కొత్త సంవత్సర వేడుకలు జరుపుకొన్నానని షరపోవా తెలిపింది. వింబుల్డన్‌లో ఆడేటప్పుడు లండన్‌ చూడకపోవడంతో ఒక పర్యాటకురాలిగా లండన్‌ మొత్తం చుట్టొచ్చానని పేర్కొంది. ప్రస్తుతం హార్వర్డ్‌లో చదువుతున్న షరపోవా ఓ పుస్తకం రాస్తూనే, ఫిట్‌నెస్ పెంచుకునేందుకు బాక్సింగ్‌ నేర్చుకొంటోంది.

సెప్టెంబర్‌లో పుస్తకం విడుదల

ప్రస్తుతం తాను రాస్తున్న పుస్తకం సెప్టెంబర్‌లో విడుదలవుతుందని తెలిపింది. తొలుత ఇంగ్లిష్‌లో ఆ తర్వాత రష్యన్‌ భాషలోకి అనువాదం అవుతుందని షరపోవా పేర్కొంది. కాగా, 2016 ఆస్ట్రేలియా ఓపెన్‌ సందర్భంగా మెల్డోనియం ఉత్ప్రేరకం వాడినట్లు తేలడంతో షరపోవాపై రెండేళ్ల నిషేధం విధించిన సంగతి తెలిసిందే.

స్టట్‌గర్ట్‌ క్లేకోర్టు టోర్నీలో తిరిగి అరంగేట్రం

అయితే కొన్ని కారణాల వల్ల నిషేధాన్ని 15 నెలలకు తగ్గించడంతో ఈ ఏడాది ఏప్రిల్‌ 26 నుంచి జరిగే స్టట్‌గర్ట్‌ క్లేకోర్టు టోర్నీ ద్వారా ఆమె తిరిగి అరంగేట్రం చేయబోతోంది. ప్రపంచ టెన్నిస్‌కు వన్నె తెచ్చిన క్రీడాకారిణిలలో షరపోవా ఒకరు. రష్యాకు చెందిన ఈ భామ తన కెరీర్‌లో ఐదు గ్లాండ్ స్లామ్‌లను సొంతం చేసుకుంది.

2012 లండన్ ఒలింపిక్స్‌లో సిల్వర్ పతకం

2008లో ఆస్ట్రేలియన్ ఓపెన్, 2012లో ఫ్రెంచ్ ఓపెన్, 2004, 2014లలో వింబుల్డన్, 2006లో యుఎస్ ఓపెన్‌లను గెలుచుకుంది. 2008ల ఫెడరేషన్ కప్ ఛాంపియన్‌గా నిలిచిన షరపోవా 2012 లండన్ ఒలింపిక్స్‌లో సిల్వర్ పతకాన్ని సాధించింది.