హైదరాబాద్: విలియమ్స్ సిస్టర్స్ అభిమానులకు శుభవార్త. టెన్నిస్ స్టార్ సెరెనా విలియమ్స్ త్వరలో తల్లి కాబోతోంది. తాను 20 వారాల గర్భవతినని 35 ఏళ్ల సెరెనా విలియమ్స్ సోషల్ మీడియా వేదికగా బుధవారం అభిమానులతో పంచుకుంది.
అంతేకాదు స్నాప్ చాట్లో తన ఫొటో కూడా పెట్టింది. స్విమ్షూట్లో ఉన్న ఆ ఫోటోకు 20 వారాలు అని క్యాప్షన్ ఇచ్చింది. అయితే ఏమైందో ఏమోగానీ ఆ తర్వాత ఆ ఫోటోను తీసేసింది.
దీంతో ఈ ఏడాది సెరెనా విలియమ్స్ మిగతా టోర్నీలకు దూరం కానుంది. తీపి కబురు చెప్పిన సెరెనాకు అంతర్జాతీయ మహిళల టెన్నిస్ సంఘం(డబ్ల్యూటీఏ) అభినందనలు కూడా తెలిపింది.
A baby and a wedding? A VERY special year ahead for @serenawilliams So happy for her new journey...
— Chris Evert (@ChrissieEvert) 19 April 2017
అయితే ఆ ట్వీట్ను కొన్ని కారణాల వల్లే తర్వాత తొలిగించింది. సెరెనా విలియమ్స్ ప్రస్తుతం రెడిట్ కో ఫౌండర్ అలెక్సిస్ ఒహానియన్తో సహజీవనం చేస్తోన్న సంగతి తెలిసిందే. గత డిసెంబర్లో వీరిద్దరూ నిశ్చితార్థం కూడా చేసుకున్నారు. జనవరిలో ఆస్ట్రేలియన్ ఓపెన్ గెలిచిన తర్వాత సెరీనా మళ్లీ టెన్నిస్ టోర్నీలు ఆడలేదు. ఇండియా, మియామీ టోర్నీలకు దూరంగా ఉంది.
వచ్చే నెలలో జరగనున్న ఫ్రెంచ్ ఓపెన్, ఆ తర్వాత వింబుల్డన్, యూఎస్ ఓపెన్లకు కూడా సెరీనా దూరంకానున్నది. మోకాలి గాయమని చెప్పి మార్చిలో జరిగిన ఇండియన్ వెల్స్ టోర్నీకి సెరెనా దూరమైన సంగతి తెలిసిందే.
రెడ్డిట్ కో ఫౌండర్తో సెరెనా విలియమ్స్ ఎంగేజ్మెంట్
టెన్నిస్ కెరీర్లో సెరెనా విలియమ్స్ 71 సింగిల్స్ టైటిళ్లను సాధించింది. 22 గ్రాండ్ స్లామ్స్ సింగిల్ టైటిళ్లను సాధించిన స్టెఫీ గ్రాఫ్ రికార్డుని సైతం సెరెనా విలియమ్స్ సమం చేసింది. అంతేకాదు టెన్నిస్ చరిత్రలోనే అత్యధికంగా 186 వారాల పాటు వరల్డ్ నెంబర్ వన్గా ఉన్న అరుదైన రికార్డుని సైతం సొంతం చేసుకుంది.