ఫేస్‌బుక్ పరిచయం: వివాహితతో కానిస్టేబుల్ వివాహేతర సంబంధం?

హైదరాబాద్: హైద్రాబాద్ నగరంలోని ఓ పోలీస్ స్టేషన్‌లో కానిస్టేబుల్‌తో వివాహితకు ఫేస్‌బుక్ పరిచయం వివాహేతర సంబంధం ఏర్పడింది.15 రోజులుగా వివాహిత కన్పించకుండా పోయింది. వివాహిత భర్త శంషాబాద్ పోలీసులకు ఫిర్యాదు చేశారు. అయితే అదనపు కట్నం కోసం తన భర్త వేధిస్తున్నాడని వివాహిత భర్తపై పోలీసులకు ఫిర్యాదు చేసింది.ఈ రెండు కేసులపై విచారణ చేస్తున్నట్టు పోలీసులు తెలిపారు.

హైద్రాబాద్ నగరంలోని మొఘల్‌పురా పోలీస్ స్టేషన్‌లో కానిస్టేబుల్‌గా పనిచేసే ఓ వ్యక్తికి ఫేస్‌బుక్ ద్వారా ఓ వివాహిత పరిచయం ఏర్పడింది.ఈ పరిచయం వారిద్దరి మధ్య వివాహేతర సంబంధానికి దారితీసిందని వివాహిత భర్త ఆరోపిస్తున్నాడు.

పుట్టింటికి వెళ్తున్నానని చెప్పిన వివాహిత 15 రోజులుగా కన్పించకుండా వెళ్ళిందని వివాహిత భర్త శంషాబాద్ పోలీసులకు ఫిర్యాదు చేశారు. అంతేకాదు తన భార్యకు కానిస్టేబుల్‌తో ఏర్పడిన వివాహేతర సంబంధాన్ని కూడ ఆయన ప్రస్తావించారు.అయితే అదే సమయంలో అదనపు కట్నం కోసం తన భర్త వేధింపులకు గురిచేస్తున్నట్టు వివాహిత కూడ పోలీసులకు ఫిర్యాదు చేయడం కలకలం రేపుతోంది. అయితే ఈ రెండు ఫిర్యాదులపై కేసులు నమోదు చేసుకొని దర్యాప్తు చేస్తున్నట్టు పోలీసులు తెలిపారు.

English summary

Nagaraju complaint against his wife and cop in Shamshabad police station. Cop illegal affair with his wife said Nagaraju in complaint.