ఇప్పటికే 10మందితో!: 11వ సారి పెళ్లికి సిద్దపడి పట్టుబడ్డాడు.. మరో షేక్ బాగోతం!
ఇప్పటికే ఏకంగా పదిమంది యువతుల్ని వివాహం చేసుకున్న ఆ షేక్.. పదకొండో వివాహానికి సిద్దమయ్యాడు.
హైదరాబాద్: పాతబస్తీ పేద, అమాయక ముస్లిం కుటుంబాలను టార్గెట్గా చేసుకుని నిఖా పేరుతో అరబ్ షేక్లు సాగిస్తున్న దుర్మార్గాన్ని హైదరాబాద్ పోలీసులు బయటపెట్టిన సంగతి తెలిసిందే.
గుండె జబ్బు.. డయాలసిస్ పేరిట వీసాలు: ఆపై భాగ్యనగరిలో పెండ్లి.. అరబ్ షేక్ల బాగోతం
రెండు రోజుల క్రితం జరిపిన దాడుల్లో ఐదుగురు దుబాయ్ షేక్ లు, ఐదుగురు యెమన్ దేశస్తులతో పాటు వారికి వివాహాలు జరిపించిన ఖాజీలు, బ్రోకర్లను అరెస్టు చేసి వారిని విచారిస్తున్నారు.
తాజాగా సోమవారం రాత్రి జరిపిన దాడుల్లో మరో అరబ్ షేక్ బాగోతం బయటపడింది. ఇప్పటికే ఏకంగా పదిమంది యువతుల్ని వివాహం చేసుకున్న ఆ షేక్.. పదకొండో వివాహానికి సిద్దమయ్యాడని తెలిసి పోలీసులే షాక్ తిన్నారు. గతంలో చేసుకున్న పది పెళ్లిళ్లకు సంబంధించిన డాక్యుమెంట్లను కూడా వారు స్వాధీనం చేసుకున్నారు. వెంటనే అతన్ని అదుపులోకి తీసుకున్నారు.
ఈ విషయంపై దుబాయ్ ఎంబసీతో మాట్లాడి అతనిని వెనక్కి పంపనున్నట్టు డీసీపీ సత్యానారాయణ తెలిపారు. వయసు మళ్లిన ఆ వ్యక్తి క్రానిక్ కిడ్నీ సమస్యతో బాధపడుతున్నాడని తెలిపారు. నిషేధిత మందులు కూడా ఆయన వద్ద గుర్తించామని, దీనిపై కూడా చర్యలు తీసుకుంటామని చెప్పారు.
ఆయనతో పాటు మరొక షేక్ ను, యెమన్ దేశీయులను, కాంట్రాక్ట్ మేరేజ్ బ్రోకర్లను అదుపులోకి తీసుకున్నామని డీసీపీ తెలిపారు. భవిష్యత్తులో ఇలాంటి వివాహల కోసం ఇండియాలో అడుగుపెట్టాలంటే భయపడేలా చేస్తామని డీసీపీ హెచ్చరించారు.