పాఠశాల ప్రిన్సిపాల్.. పాడు పని! పాఠశాలలోనే మద్యం తాగి ఓ బాలికపై..
అతడో పాఠశాల ప్రిన్సిపాల్. పాఠశాలలోనే మద్యం తాగి ఓ బాలికపై అఘాయిత్యానికి ప్రయత్నించాడు. ఈ ఘటన ఈసీఐఎల్ ఆటమిక్ ఎనర్జీ సెంట్రల్ స్కూల్-2లో చోటు చేసుకుంది.
హైదరాబాద్ : అతడో పాఠశాల ప్రిన్సిపాల్. పాఠశాలలోనే మద్యం తాగి ఓ బాలికపై అఘాయిత్యానికి ప్రయత్నించాడు. ఈ ఘటన ఈసీఐఎల్ ఆటమిక్ ఎనర్జీ సెంట్రల్ స్కూల్-2లో చోటు చేసుకుంది.
ఆటమిక్ ఎనర్జీ సెంట్రల్ స్కూల్-2 ప్రిన్సిపాల్ కె.మహాపాత్ర(54) ఈ దురాగతానికి ఒడిగట్టాడు. గత అక్టోబరు 10న మధ్యాహ్నం తొమ్మిదో తరగతి విద్యార్థిని(14)ని మహాపాత్ర తన క్యాబిన్కు పిలిచాడు.
ఆ బాలిక గదిలోకి రాగానే తలుపులు మూసి ముద్దు పెట్టుకున్నాడు. ఈ హఠాత్సరిణామంతో షాక్ తిన్న బాలిక కేకలు వేయడంతో ప్రిన్సిపాల్ కె.మహాపాత్ర కంగారుపడి వెంటనే తలుపులు తెరిచాడు.
జరిగిన విషయం ఎవరికీ చెప్పొద్దంటూ ఆ విద్యార్థినితో ఒట్టు పెట్టించుకొని పంపించివేశాడు. అయితే ఇంటికెళ్లాక బాలిక జరిగినదంతా తల్లిదండ్రులకు వివరించింది. ఆమె తల్లి ఫిర్యాదుతో కేసు నమోదు చేసుకుని, ప్రిన్సిపాల్ మహాపాత్రను అరెస్ట్ చేసినట్లు రాచకొండ సీపీ మహేశ్ భగవత్ తెలిపారు.