• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

భార్యను వ్యభిచారంలోకి దించడానికి ఫ్రెండ్ యత్నం: ముఠా దాడిలో ఆటో డ్రైవర్ మృతి

By Pratap
|

హైదరాబాద్: ఓ ఆటో డ్రైవర్ భార్యను ఆమె స్నేహితురాలు వ్యభిచారంలోకి దించడానికి ప్రయత్నించింది. ఆ ప్రయత్నాన్ని అడ్డుకోబోయిన ఆటో డ్రైవర్ భార్య స్నేహితురాలి సహాయకుల చేతిలో హతమయ్యాడు. ఈ సంఘటన హైదరాబాదులోని చాంద్రాయణగుట్ట ప్రాంతంలో జరిగింది.

ఇన్‌స్పెక్టర్ రామారావు కథనం ప్రకారం.. బాబానగర్ ఉమర్ హోటల్ సమీపంలో నివసించే సమీ అహ్మద్ సిదిఖ్(22), అస్మాఖాన్(21) ఏడాది క్రితం ప్రేమ వివాహం చేసుకున్నారు. వీరికి తొమ్మిది నెలల పాప ఉంది. సమీ అహ్మద్ ఆటో నడుపుతూ తల్లిదండ్రులతో ఉంటూ కుటుంబాన్ని పోషించుకుంటున్నాడు. అయితే, పది రోజుల క్రితం అస్మాఖాన్ స్నేహితురాలు అజ్మసుల్తాన ఓ వ్యక్తితో కలిసి రాత్రి సమయంలో సమీ అహ్మద్ ఇంటికి వచ్చింది.

దీన్ని చూసిన సమీ అహ్మద్ తండ్రి ఫసీ అహ్మద్ సిదీఖ్ వారు ఎందుకు వచ్చారంటూ గొడవ చేశాడు. దీంతో సమీ అహ్మద్, ఆస్మాఖాన్ ఇటీవల ఉమర్ హోటల్ సమీపంలో ఓ ఇంటిని అద్దెకు తీసుకొని ఉంటున్నారు. ఈ క్రమంలో ఖర్చులు పెరిగి ఆర్థిక ఇబ్బందులు మొదలయ్యాయి. దీన్ని ఆసరా చేసుకున్న అజ్మసుల్తానా ఈవెంట్ మ్యారేజ్‌లో పని ఇప్పిస్తానని నమ్మించి స్నేహితురాలు అస్మాఖాన్‌ను వెంట తీసుకెళ్లింది.

Automan killed in fight over wife in sex business

ఇంటి సమీపంలో ఆగి ఉన్న కారులో ఆస్మాఖాన్‌ను ఎక్కించింది. ముఖ్తార్ అనే వ్యక్తి కారు నడుపుతూ కొంత దూరం తీసుకెళ్లగానే మరో ఇద్దరు వ్యక్తులు అదే కారులో ఎక్కడంతో అనుమానించిన అస్మాఖాన్ భర్తకు ఫోన్ చేసింది. వెంటనే భార్య కోసం రోడ్డుపైకి వచ్చిన సమీ అహ్మద్ ఆ కారును అడ్డుకున్నాడు. వారితో ఎక్కడికి వెళ్తున్నావని ఆస్మాఖాన్‌ను కొట్టాడు.

దీంతో కారులోని వ్యక్తులు అక్కడి నుంచి జారుకున్నారు. అయితే, అసలు జరిగిన విషయం భార్య చెప్పిన తర్వాత ఆ వ్యక్తులకు ఫోన్ చేయడంతో వారు చాంద్రాయణగుట్ట ఫ్లై ఓవర్ ప్రాంతానికి రమ్మని చెప్పారు. కోపంతో ఆ ప్రాంతానికి చేరుకున్న సమీ అహ్మద్ వారితో గొడవకు దిగాడు. దీంతో ఆ ముగ్గురిలో ఓ వ్యక్తి కత్తితో అతడి మెడపై దాడి చేశాడు.

తీవ్ర రక్తస్రావం కావడంతో సమీ అహ్మద్‌ను భార్య డీఆర్‌డీఎల్ సమీపంలోని ఓవైసీ ఆస్పత్రికి తరలించింది. అప్పటికే బాధితుడు మృతి చెందినట్లు డాక్టర్లు వెల్లడించారు. సమాచారం అందుకున్న పోలీసులు సంఘటన స్థలానికి చేరుకుని దాడి జరిగిన తీరును అడిగి తెలుసుకున్నారు. మృతదేహాన్ని పోస్టుమార్టం నిమిత్తం ఉస్మానియా మార్చురీకి తరలించారు. కాగా, హత్య చేసిన దుండగులు పరారీలో ఉన్నారు. కేసును చాంద్రాయణగుట్ట పోలీసులు దర్యాప్తు చేస్తున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
A 22-year-old autorickshaw driver, who protested his wife being pushed into the flesh trade by one of her friends, was brutally murdered by the aides of his wife’s friends at Chandrayanagutta on Saturday.
Get Instant News Updates
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more