ఆశ్చర్యం: జూలో బోను నుంచి గుంత తవ్వి తప్పించుకున్న ఎలుగుబంటి (పిక్చర్స్)
హైదరాబాద్: షాకింగ్! హైదరాబాదులోని నెహ్రూ జంతు ప్రదర్శనశాల నుంచి ఓ ఎలుగుబంటి బోను నుంచి కలుగు తవ్వి తప్పించుకొని పోయింది.
ఎలుగుబంటి జూపార్క్ నుంచి తప్పించుకొని అధికారులను ముప్పుతిప్పలు పెట్టింది. ఈ సంఘటన సోమవారం రాత్రి జరిగింది.
తానుండాల్సిన బోను నుంచి బయటకు ఓ కలుగు తవ్వి మరీ తప్పించుకున్న ఈ ఎలుగు జూ గోడను ఎక్కేసి ప్రయత్నించి హల్చల్ చేసింది.
ఎలుగుబంటి
ఎత్తైన గోడను దూకే ప్రయత్నంలో.. దానిపై అటు ఇటు తిరుగుతూ ఉండిపోయింది. ఎలుగుబంటిని చూసిన స్థానికులు అధికారులకు సమాచారం ఇచ్చారు.
ఎలుగుబంటి
దానిని పట్టుకునేందుకు అధికారులు గంటల పాటు శ్రమించాల్సి వచ్చింది. చివరికి ట్రాంక్విలైజర్ల ద్వారా మత్తు మందు ఇచ్చి, దానిని అదుపులోకి తీసుకున్నారు.
ఎలుగుబంటి
ఎన్క్లోజర్ నుంచి బయటకు వచ్చేందుకు గుంత తవ్వాలన్న ఆలోచన దానికి రావడం, జంతు ప్రదర్శన శాల చరిత్రలో అత్యంత అరుదు.
ఎలుగుబంటి
ఈ సంఘటన సోమవారం నాడు రాత్రి పది గంటల ప్రాంతంలో జరిగింది. ఎలుగుబంటి గోడ పైన అటు ఇటు తిరగడాన్ని స్థానికులు గుర్తించడం, అధికారులకు సమాచారం ఇవ్వడంతో దానిని పట్టుకున్నారు.
ఎలుగుబంటి
జూ అధికారుల ప్రకారం... సదరు ఎలుగుబంటి తాను ఉన్న ఎన్క్లోజర్ లోపల నుంచి గుంత తవ్వింది. అక్కడి నుంచి బయటకు తప్పించుకుంది.