అసభ్యకరదృశ్యాలున్నాయంటూ బిగ్బాస్ షో పై బిజెవైఎం ఫిర్యాదు
కరీంనగర్: ఓ తెలుగు టీవి ఛానెల్లో ప్రసారమౌతోన్న బిగ్బాస్ షో పై బిజెవైఎం నేతలు ఆదివారం నాడు ధర్మపురి పోలీసులకు ఫిర్యాదు చేశారు.
ఈ షో తీరుపై బిజెవైఎం నేతలు తప్పుబట్టారు.బిగ్ బాస్షో నటీనటులు, నిర్వాహకులు, ఛానెల్ యాజమాను లపై చర్యలు తీసుకోవాలని కోరుతూ ధర్మపురి పోలీస్ స్టేషన్లో ఆదివారం బీజేవైఎం జగిత్యాల ప్రధాన కార్యదర్శి ఓరుగంటి చంద్రశేఖర్ ఫిర్యాదు చేశారు.
ఓ తెలుగు టీవీ చానెల్లో ప్రసారం అవుతున్న బిగ్బాస్ షోలో అసభ్యకరమైన దృశ్యాలున్నాయని ఆయన ఆరోపించారు. ఈ షోలో సెలబ్రిటీలు ధరించే దుస్తులు, వారి మాటలు ఇబ్బందికరంగా ఉన్నాయని ఆయన చెప్పారు.
బిగ్బాస్ షో నిర్వాహకులు, నటీ నటులు, ఛానెల్ యజమానుపై చట్టరీత్యా చర్యలు తీసుకోవాలని ఆయన కోరారు. సంస్కృతి, సంప్రదాయాలను కించపర్చేవిధంగా ఈ షో సాగుతోందని ఆయన ఆరోపించారు.
వెంటనే షో నిర్వాహకులపై చట్టపరంగా చర్యలు తీసుకోవాలని ఆయన డిమాండ్ చేశారు.