India
  • search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

జగ్గారెడ్డి రాజీనామాకు బ్రేక్: నేడు కార్యకర్తలతో సమావేశంపై ఉత్కంఠ; డైలమాలో కాంగ్రెస్

|
Google Oneindia TeluguNews

సంగారెడ్డి ఎమ్మెల్యే జగ్గారెడ్డి వ్యవహారం తెలంగాణ కాంగ్రెస్ పార్టీలో తీవ్ర దుమారం రేపిన విషయం తెలిసిందే. అధిష్టానానికి జగ్గారెడ్డి రాసిన లేఖలో తాను కాంగ్రెస్ పార్టీలో లేనంటూ తేల్చి చెప్పేశారు. కాంగ్రెస్ పార్టీకి రాజీనామా చేస్తున్నట్టు ప్రకటించారు. అయితే పార్టీ సీనియర్ల సంప్రదింపులతో జగ్గారెడ్డి కాస్త మెత్తబడినట్లుగా సమాచారం. కాంగ్రెస్ పార్టీకి రాజీనామా చేస్తున్నానని చెప్పిన జగ్గారెడ్డి పదిహేను రోజుల పాటు రాజీనామా నిర్ణయాన్ని వాయిదా వేసుకున్నట్టు ప్రకటించారు.

Jagga Reddy : మోదీ, యోగి,కాంగ్రెస్ పార్టీ చరిత్ర తెలుసుకోవాలి | Oneindia Telugu

కేసీఆర్‌ కు ఇంటిపోరు; ఆయన జాతీయ రాజకీయాల పాట వెనుక మతలబు చెప్పిన బండి సంజయ్‌కేసీఆర్‌ కు ఇంటిపోరు; ఆయన జాతీయ రాజకీయాల పాట వెనుక మతలబు చెప్పిన బండి సంజయ్‌

 పదిహేను రోజుల పాటు రాజీనామాకు జగ్గారెడ్డి బ్రేక్

పదిహేను రోజుల పాటు రాజీనామాకు జగ్గారెడ్డి బ్రేక్

పదిహేను రోజుల పాటు రాజీనామా నిర్ణయాన్ని వాయిదా వేసుకున్న జగ్గారెడ్డి ఈ క్రమంలో కాంగ్రెస్ ఎమ్మెల్యేలు సమావేశానికి హాజరయ్యారు. తాను పార్టీలో ఎదుర్కొంటున్న పలు ఇబ్బందులను పార్టీ ఎమ్మెల్యేలు, సీనియర్ నేతలు ముందు జగ్గారెడ్డి చెప్పుకున్నారు. వాటిపై అధిష్టానంతో మాట్లాడదామని సీఎల్పీ నేత భట్టి విక్రమార్క, ఎమ్మెల్యే కోమటిరెడ్డి రాజగోపాల్ రెడ్డి జగ్గారెడ్డి కి హామీ ఇచ్చారు. అయితే ఆయన తనను సోనియాగాంధీకి తో లేదా రాహుల్ గాంధీ తో కల్పిస్తే ఉంటానని, లేదంటే వెళ్లిపోతానని పార్టీ పెద్దల అవకాశం కల్పించాలని విజ్ఞప్తి చేసినట్లుగా సమాచారం.

సీఎల్పీ కార్యాలయంలో భట్టితో భేటీ అయిన జగ్గారెడ్డి

సీఎల్పీ కార్యాలయంలో భట్టితో భేటీ అయిన జగ్గారెడ్డి

గురువారం నాడు సీఎల్పీ కార్యాలయంలో సీఎల్పీ నేత భట్టి విక్రమార్క ఎమ్మెల్యేలు శ్రీధర్ బాబు, కోమటిరెడ్డి రాజగోపాల్ రెడ్డితో జగ్గారెడ్డి సమావేశమయ్యారు. పీసీసీ వర్కింగ్ ప్రెసిడెంట్ అయిన తానే తీవ్ర ఇబ్బందులకు గురవుతున్నారని, పార్టీలో ఇతర నాయకుల పరిస్థితి ఏంటని ఆయన ఆవేదన వ్యక్తం చేశారు. తన కారణంగా పార్టీకి ఎలాంటి నష్టం జరగకూడదు అని భావించే తాను పార్టీని వీడి వెళ్లాలని నిర్ణయించుకున్నట్లుగా పేర్కొన్నారు.

రాజీనామా విషయంలో ఆయన వెనక్కు తగ్గినట్టే అన్న భట్టి.. కానీ

రాజీనామా విషయంలో ఆయన వెనక్కు తగ్గినట్టే అన్న భట్టి.. కానీ

జగ్గారెడ్డి మాట్లాడిన అంశాలన్నింటినీ అధిష్టానం దృష్టికి తీసుకెళ్తామని జగ్గారెడ్డి పార్టీని వీడరని, రాజీనామా విషయంలో వెనక్కి తగ్గినట్లుగా భావిస్తున్నామని భట్టి విక్రమార్క స్పష్టం చేశారు. జగ్గారెడ్డి కాంగ్రెస్ పార్టీలోనే కొనసాగుతారని ఆయన పేర్కొన్నారు. ఇక ఇదే సమయంలో తన రాజకీయ భవిష్యత్తును కార్యకర్తల చేతిలో పెట్టారు జగ్గారెడ్డి. పార్టీని వీడాలా ? వద్దా? అన్న ప్రశ్నలతో నియోజకవర్గ కార్యకర్తలకు ఆయన మెసేజ్ పంపినట్లు సమాచారం. ఇక వారి నిర్ణయాన్ని బట్టే పార్టీ మార్పు ఉంటుందని జగ్గారెడ్డి స్పష్టం చేసినట్లుగా తెలుస్తోంది. కార్యకర్తల నిర్ణయమే శిరోధార్యం అని చెప్తున్నారు.

నేడు కార్యకర్తల సమావేశం, జగ్గారెడ్డి నిర్ణయంపై ఉత్కంఠ

నేడు కార్యకర్తల సమావేశం, జగ్గారెడ్డి నిర్ణయంపై ఉత్కంఠ

ఇదిలా ఉంటే నేడు జగ్గారెడ్డి పార్టీ కార్యకర్తల సమావేశాన్ని ఏర్పాటు చేశారు. ఈ సమావేశం పైన కూడా తీవ్ర ఉత్కంఠ నెలకొంది. అయితే రాజీనామాకు కార్యకర్తల సమావేశానికి సంబంధంలేదని జగ్గారెడ్డి చెబుతున్నారు. ఇదే విషయాన్ని బట్టి విక్రమార్క కూడా చెబుతున్నారు. రాజీనామా నిర్ణయాన్ని విరమించుకున్నట్లు గా జగ్గారెడ్డి చెప్పకపోవడం, ప్రస్తుతానికి బ్రేక్ ఇస్తున్నానని మాత్రమే ప్రకటన చేయడం, మరోపక్క కార్యకర్తల సమావేశాన్ని నిర్వహించడం ఆసక్తిని రేపుతున్నాయి. జగ్గారెడ్డి నిర్ణయం ఏ విధంగా ఉండబోతుందో అన్న ఉత్కంఠ కాంగ్రెస్ పార్టీలో వ్యక్తమౌతుంది.

English summary
Jaggareddy, who was given a 15-day break to resign, is holding a meeting of congress party activists today. Whether or not he backed down in this context will cause suspense.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X