• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలుగు వారి గొప్పతనాన్ని తెలిపిన బ్రిటిష్ ఎయిర్‌వేస్ (వీడియో)

By Nageswara Rao
|

హైదరాబాద్: బ్రిటిష్ ఎయిర్‌వేస్ తాజాగా రూపొందించిన ఒక ప్రకటన సామాజిక మాధ్యమాల్లో వైరల్‌లా వెళుతోంది. ఆ యాడ్ చూసిన ప్రతి ఒక్కరూ వారియొక్క నానమ్మ, అమ్మమ్మలను తప్పక తలుచుకుంటున్నారు. అంతలా నెటిజన్లను ఆకర్షించిన ఆ వీడియోలో ఏముంది?

తెలుగు వారు అంటేనే మర్యాదకు, అప్యాయతకు పెట్టింది పేరు. ఈ కాలంలో ఆధునిక పోకడల వల్ల మన తెలుగు వారి మర్యాదలు పూర్తిగా మారిపోతున్నాయి. ఈ నేపథ్యంలో మన మర్యాదలను మనమే మరిచిపోతున్న సమయంలో బ్రిటిష్ ఎయిర్‌వేస్ ఒక చక్కని వీడియో ద్వారా మన సంప్రదాయాలను, తెలుగింటి రుచులను మనకు గుర్తు చేశారు.

బ్రిటిష్ ఎయిర్‌వేస్ రూపొందించిన ఈ యాడ్ ఓ ఎయిర్ హోస్టెస్‌కి ఒక తెలుగుంటి బామ్మకి మధ్య జరిగిన ఒక నిజ జీవిత సంఘటన ఆధారంగా రూపొందించారు. ఈ యాడ్ ఎంతో భావోద్వేగంతో కూడుకుని ఉంది. అంతేనా ఈ యాడ్‌ గురించి వాల్ స్ట్రీట్ జర్నల్‌ ఒక కథనంగా రాసింది.

ఈ యాడ్‌ను ఇప్పటి వరకు యూట్యూబ్‌లో పదిహేడు లక్షల మంది వీక్షించారు. ఈ కమర్షియల్ యాడ్‌కి మాసన్ డైరెక్టర్ నీరజ్ గవాన్ దర్శకత్వం వహించారు. ఈ సందర్భంగా నీరజ్ మాట్లాడుతూ ఇంత పెద్ద ఎత్తున ఈ యాడ్‌కి స్పందన వస్తుందని తాను ఊహించలేదని తెలిపారు.

సేపియంట్‌నిట్రో ఏజెన్సీ ఇచ్చిన ఐడియా ఆధారంగా ఈ యాడ్‌‌ను రూపొందించామని తెలిపారు. ఈ యాడ్‌కు వచ్చిన స్పందన చూస్తుంటే చాలా సంతోషంగా ఉందన్నారు. ఈ యాడ్‌ను వీక్షించిన బాలీవుడ్ దర్శకుడు అనురాగ్ కశ్యప్ స్వయంగా ఫోన్ చేసి తనను అభినందించారని ఆయన పేర్కొన్నారు.

ఈ యాడ్‌లో పలికిన భావోద్వేగాలు ప్రతి ఒక్కరి మనసుకి అత్తుకునేలా చేశాయని తెలిపారు. ఈ యాడ్‌కు సురోజ్ దత్ మాటలను అందించగా, ఈ యాడ్‌లో నటి ఉమా టుంబల్కర్ నానమ్మ పాత్ర పోషించారని పేర్కొన్నారు. ఈ పాత్ర కోసం నీరజ్ ప్రత్యేకించి ఉమా టుంబల్కర్‌ను ఎంపిక చేసుకోవడంలో ఓ ప్రత్యేకత ఉందన్నారు.

ఆమె చూడగానే ఈ పాత్రకు సరిగ్గా సరిపోతుందని అనుకున్నట్లు చెప్పారు. ఇంతకీ ఈ యాడ్‌ ప్రత్యేకత ఏంటంటే... ఈ యాడ్‌లో నటించిన ఉమా టుంబల్కర్ హైదరాబాద్‌లో ఓ గృహిణి పాత్రలో నటించారు. ప్రపంచ ప్రఖ్యాత సంస్ధ అయిన బ్రిటిష్ ఎయిర్‌వేస్ తన యాడ్‌లో హైదరాబాద్‌కు సంబంధించినట్లుగా చూపించడమే.

ఈ యాడ్ ఓ ఫీల్ గుడ్‌లా అనిపిస్తోంది. అంతేకాదు ఎంతో మంది తెలుగు వారు మరిచిపోయిన తెలుగింటి అప్యాయతలు, సంప్రదాయాలను చాలా అందంగా ఇందులో చూపించారు. బ్రిటిష్ ఎయిర్‌వేస్ ఎంతో ప్రతిష్టాత్మకంగా తీసిన ఈ వీడియో ఇంటర్నెట్‌లో వైరల్ అవుతుంది.

English summary
The new British Airways ad Fuelled by Love has moved many to tears and the adorable grandmother seems to remind everyone of their own grandmothers. The ad, which has gone viral and even been written about by The Wall Street Journal, has received more than 11 lakh hits on YouTube.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X