నమ్మి పెట్టుకుంటే ఇలానా? ఓ పనిమనిషి చేష్టలు, వైరల్ గా మారిన వీడియో!
పని చేసుకుంటూ వచ్చిన ఓ పని మనిషి మెల్లగా కబోర్డ్ డోర్ ను తెరచి అందులోని వస్తువులను స్వాహా చేయడాన్ని కెమెరా కన్ను పట్టేసింది.
హైదరాబాద్: ఇంట్లో పనిమనుషులు నమ్మకంగా పనిచేస్తుంటే యజమానులకు అంతకు మించిన ప్రశాంతత ఏదీ ఉండదు. కానీ కొంతమంది పనిమనుషులు మాత్రం సందు దొరికినప్పుడల్లా దోచేద్దామని అనుకుంటూ ఉంటారు.
అలాంటి ఓ పనిమనిషి రెడ్ హ్యాండెడ్ గా దొరికిపోయిన వీడియో ఇప్పుడు సోషల్ మీడియాలో వైరల్ అవుతూ ఉంది. పని చేసుకుంటూ వచ్చిన ఓ పని మనిషి మెల్లగా కబోర్డ్ డోర్ ను తెరచి అందులోని వస్తువులను స్వాహా చేయడాన్ని కెమెరా కన్ను పట్టేసింది.
అలా ఒకసారి కాదు, పలుమార్లు ఆ పనిమనిషి రావడం, కబోర్డ్ తెరవడం, అందులో తగిలించి ఉన్న దుస్తుల జేబులు చెక్ చేయడం, దొరికినవన్నీ తన జాకెట్ లో వేసుకోవడం.. ఇదే పని. ఆ తరువాత ఏమీ ఎరగనట్లు బయటికి వెళ్లిపోయింది.
అయితే ఆ పనిమనిషి చేష్టలన్నీ రికార్డ్ అవుతోందని ఆమె అసలు గమనించలేదు. వెనుక ఉన్న ఓ సీసీ కెమెరాలో ఆమె యాక్షన్ మొత్తం రికార్డు అయిపోయింది. దొంగతనం చేస్తూ దొరికిపోయిన ఈ పని మనిషి వీడియోను చూసి యజమానులు షాక్ తినడం ఖాయం.
అయితే అందరూ ఈ పనిమనిషిలాగే ఉంటారని అనుకోలేం. మంచి వాళ్లూ ఉండొచ్చు. కానీ ఇలాంటి వాళ్లని తెలియక ఇంట్లో పనికి కుదుర్చుకుంటే మాత్రం గోవిందో.. గోవిందే! వీడియో చూడండి మీకే అర్థమవుతుంది.