సాంకేతిక లోపం: సిద్దిపేటలో ఎమర్జెన్సీ ల్యాండైన చేతక్ హెలికాప్టర్
సిద్దిపేట: హైదరాబాద్లోని హకీంపేట బేస్ క్యాంపు నుంచి శిక్షణ నిమిత్తం బయల్దేరిన ఇండియన్ ఎయిర్ఫోర్స్(ఐఏఎఫ్)కు చెందిన చేతక్ హెలికాప్టర్లో సాంకేతిక లోపం తలెత్తింది.
ఈ క్రమంలో అప్రమత్తమైన పైలట్.. సిద్దిపేటలోని ఓ గ్రామ సరిహద్దులో సురక్షితంగా హెలికాప్టర్ను ల్యాండ్ చేశాడు. హెలికాప్టర్ ల్యాండైన ప్రాంతానికి ఇండియన్ ఎయిర్ఫోర్స్ అధికారులు వెళ్లి పరిస్థితిని సమీక్షిస్తున్నారు.
Telangana: A Chetak helicopter of IAF (Indian Air Force) made an emergency landing in a village in Siddipet after technical snag. It was on routine training and took off from Hakimpet base of Hyderabad. pic.twitter.com/B4BwaOj3SN
— ANI (@ANI) August 29, 2018
ఈ హెలికాప్టర్ను తరచూ శిక్షణ కోసం ఉపయోగిస్తుంటామని ఐఏఎఫ్ అధికారులు వెల్లడించారు. సాంకేతిక లోపాన్ని సరిచేసిన తర్వాత హెలికాప్టర్ అక్కడ్నుంచి మళ్లీ హకీంపేటకు బయల్దేరింది.