రామ్ గోపాల్ వర్మ ట్వీట్లపై.. నిన్న పవన్ కళ్యాణ్, నేడు చిరంజీవి కూతురు
ప్రముఖ దర్శకుడు రామ్ గోపాల్ వర్మ ట్వీట్ల పైన కాంగ్రెస్ పార్టీ నేత, మెగాస్టార్ చిరంజీవి కూతురు సుష్మిత ఓ ఇంటర్వ్యూలో స్పందించారు.
హైదరాబాద్: ప్రముఖ దర్శకుడు రామ్ గోపాల్ వర్మ ట్వీట్ల పైన కాంగ్రెస్ పార్టీ నేత, మెగాస్టార్ చిరంజీవి కూతురు సుష్మిత ఓ ఇంటర్వ్యూలో స్పందించారు. వర్మ ట్విట్టర్ ద్వారా చేసే కామెంట్లను సీరియస్గా తీసుకోవాల్సిన అవసరం లేదని చెప్పారు.
లంచ్ బ్రేక్లో మాట్లాడుకోవడానికి తప్ప ఆ కామెంట్లు ఎందుకూ పనికి రావని అన్నారు. ఖాళీ సమయంలో వర్మ ట్వీట్లు చూసి నవ్వుకుంటామని చెప్పారు. ఒకరు మాట్లాడే మాటలను మనం నియంత్రించలేమని చెప్పారు.
ప్రతి ఒక్కరికి మాట్లాడే స్వేచ్ఛ ఉందని తెలిపారు. అయితే, పూర్తిగా నెగిటివ్గా మాట్లాడే వారిని సామాజిక మాధ్యమాల నుంచి బ్లాక్ చేయాలన్నారు.
కొద్ది రోజుల క్రితం పవన్ కళ్యాణ్ కూడా స్పందించారు. ఓసారి తనను మెచ్చుకోవచ్చు, మరోసారి తిట్టవచ్చునని... కానీ వర్మ ట్వీట్ల గురించి మాట్లాడాల్సిన అవసరం లేదన్నారు. పెళ్లైన కూతురును పెట్టుకొని పోర్న్ వీడియోలు దగ్గర ఉంచుకుంటానని చెప్పిన అతని గురించి ఏం మాట్లాడుతామని వ్యాఖ్యానించారు. ఖైదీ నెంబర్ 150 ప్రీ రిలీజ్ వేడుకలో నాగబాబు దుమ్మెత్తిపోశారు.