‘‘ఇదేమీ కేసీఆర్ అయ్య జాగీర్ కాదు, అడ్డగోలుగా ప్రవర్తించడానికి’’

రాజన్న సిరిసిల్ల జిల్లా నేరేళ్ల ఘటనపై రాద్ధాంతం చేయాల్సిన అవసరం లేదని అధికారపక్ష నేతలు అనడంపై కాంగ్రెస్ తెలంగాణ చీఫ్ ఉత్తమ్ కుమార్ రెడ్డి ఘాటుగా స్పందించారు.

హైదరాబాద్: రాజన్న సిరిసిల్ల జిల్లా నేరేళ్లలో పదకొండు మందిపై దాడి జరిగితే అందులో నలుగురు మాత్రమే దళితులు ఉన్నారని.. ఈ విషయాన్ని రాద్ధాంతం చేయాల్సిన అవసరం లేదని అధికారపక్ష నేతలు అనడంపై టీపీసీసీ చీఫ్ ఉత్తమ్ కుమార్ రెడ్డి ఘాటుగా స్పందించారు.

ఈ విషయమై ఓ న్యూస్ ఛానెల్ అడిగిన ప్రశ్నకు ఉత్తమ్ సమాధానమిస్తూ, 'దళితులు కాని వాళ్లపై పోలీసులు థర్డ్ డిగ్రీ ప్రయోగించవచ్చా? ముఖ్యమంత్రి చెప్పే సమాధానమిదా? ' అని ప్రశ్నించారాయన.

అంతేకాదు, అసలు, ఈ విధంగా మాట్లాడుతున్న వారికి కామన్ సెన్స్ ఉందా? ఏ కులం వారినైనా సరే, అక్రమంగా పోలీసులు అదుపులోకి తీసుకుని టార్చర్ పెట్టి, కరెంట్ షాక్ పెట్టొచ్చా? ఈ ఘటనపై ముఖ్యమంత్రి ఎందుకు చర్యలు తీసుకోరు? అని నిలదీశారు.

ఈ సంఘటనపై ఆ జిల్లా ఎస్పీ.. 'టార్చర్ చేయమంటేనే చేశాం' అని చెబుతున్నారు. అందుకే, పోలీసులపై సీఎం కేసీఆర్ చర్యలు తీసుకోవట్లేదని, ఈ విషయాన్ని తామూ వదలిపెట్టమని ఉత్తమ్ కుమార్ రెడ్డి స్పష్టం చేశారు.

అంతేకాదు, ఇదేమీ కేసీఆర్ అయ్య జాగీర్ కాదు.. అడ్డగోలుగా ప్రవర్తించడానికి.. పోలీసులేమీ ఆయన ప్రైవేట్ సైన్యం కాదు.. ఈ విషయమై తప్పనిసరిగా కాంగ్రెస్ పార్టీ సీరియస్ గా ప్రతిఘటిస్తుంది..' అని ఉత్తమ్ హెచ్చరించారు.

English summary

Defending police move of arresting some youngsters belonging to Nerella and Jillela villages in Sircilla Assembly segment with regard to torching of two sand-laden lorries, Chief Minister K Chandrasekhar Rao on Wednesday wanted to know how the policemen could remain as mute spectators when people break laws. “It’s not appropriate for Oppn parties to give Dalit colour to this incident. Of the arrested persons, only two or three are SCs,” he said while addressing media here. Meanwhile, TPCC chief N Uttam Kumar Reddy continued his attack on KCR saying, “KCR is shedding blood of Dalits, BCs and STs to shield sand mafia run by his relatives.” He made the remark while reacting on death of Dalit, Shankar, who died after he was crushed by a sand-laden lorry in Sircilla.