మద్యం మత్తులో యువకుల వీరంగం: హోంగార్డు కాలు విరిగిపోయింది
హైదరాబాద్: నగరంలోని ఎల్బీనగర్ సమీపంలోని అల్కాపురిలో నలుగురు యువకులు మద్యం మత్తులో యువకులు వీరంగం సృష్టించారు. ఈ సంఘటనకు సంబంధించిన వివరాలిలా ఉన్నాయి. డ్రంక్ అండ్ డ్రైవ్ తనిఖీల్లో భాగంగా కారును ఆపేందుకు పోలీసులు ప్రయత్నించారు.
బారీకేడ్లు సైతం అడ్డుపెట్టారు. ఎలాగైనా తప్పించుకోవాలనే ఉద్దేశ్యంతో ఆ యువకులు కారు వేగం పెంచి బారీకేడ్లను సైతం గుద్దేసి పారిపోయేందుకు ప్రయత్నించారు. రోడ్డుపై ఓ గుంతలో కారు ఇరుక్కుపోవడంతో ఎటూ వెళ్లలేకపోయారు.
ఈ సమయంలో అక్కడే విధులు నిర్వహిస్తున్న హోంగార్డు యాదగిరిరెడ్డిపై కారు నడిపాడు. దీంతో యాదగిరికి ఓ కాలు పూర్తిగా విరిగిపోయింది. వెంటనే అతడిని సమీపంలోని ఆసుపత్రికి తరలించారు. ఈ ఘటనకు సంబంధించి ఇద్దరు యువకులను అదుపులోకి తీసుకున్నారు. మరో ఇద్దరు పరారీలో ఉన్నారు.
నిందితుడిని అదుపులోకి తీసుకున్న పోలీసులు హల్కాహాల్ పరీక్ష అనంతరం ఆసుపత్రికి తరలించారు. వారు ప్రయాణిస్తున్న కారు ఏపీ09 సీఏ 4444 కారును సీజ్ చేశారు.