• search
  • Live TV
నిజామాబాద్ వార్తల కోసం
నోటిఫికేషన్స్ పై క్లిక్ చేయండి  

తండ్రి, ఎంపీ కవితపై.. డీఎస్‌ తనయుడి ఆసక్తికర వ్యాఖ్యలు

By Ramesh Babu
|

నిజామాబాద్‌ : సీనియర్‌ నేత, టీఆర్‌ఎస్‌ ఎంపీ డీ శ్రీనివాస్‌పై ఆయన తనయుడు అరవింద్‌ ఆసక్తికర వ్యాఖ్యలు చేశారు. అధికార పార్టీలో ఉన్నారు కాబట్టి.. జిల్లా అభివృద్ధి కోసం ఆలోచనలు చేయాలని అరవింద్‌ తన తండ్రిని కోరుతున్నారు.

బీజేపీ నేత అయిన అరవింద్‌ ఆదివారం మీడియాతో మాట్లాడుతూ... జిల్లా అభివృద్ధిపై దృష్టి సారించాలని డీ శ్రీనివాస్‌ను కోరారు. నిజాం షుగర్‌ ఫ్యాక్టరీ ప్రైవేటీకరణ పాపం చంద్రబాబుదే అని అరవింద్ విమర్శించారు.

 DS Son Aravinds Interesting Comments on his Father and MP Kavita

'ఈ షుగర్ ఫ్యాక్టరీని తెరిపించే విషయంలో ఇప్పుడు నిజామాబాద్‌ ఎంపీగా ఉన్న కవిత కూడా పట్టించుకోవటం లేదు. మీరు(డీ శ్రీనివాస్‌) టీఆర్‌ఎస్‌ ప్రభుత్వంలో ఉన్న వ్యక్తి. కాబట్టి, చొరవ తీసుకుని ఫ్యాక్టరీ తెరిపించేందుకు కృషి చేయండి.. సాయం చేసేందుకు కేంద్రం సిద్ధంగా ఉంది..' అని అరవింద్‌ పేర్కొన్నారు.

పనిలో పనిగా ఎంపీ కవితపై కూడా డీఎస్ తనయుడు విమర్శలు గుప్పించారు. 'చెరుకు ఫ్యాక్టరీలను తెరిపించకుండా కవిత అడ్డుకుంటున్నారు. రైతులు చెరుకు పంటకు దూరంగా ఉంటున్నారని.. ఉద్యోగాల విషయంలో యువత ఆసక్తి చూపటం లేదని ఆమె ఏవో సాకులు చెబుతున్నారు..' అని వ్యాఖ్యానించారు.

అంతేకాదు, 'పసుపు బోర్డు విషయంలో అయితే ముందడుగే వేయలేదు. చిన్న చిన్న హామీలు ఇవ్వటం కాదు. ప్రభుత్వంలో ఉన్నారు కాబట్టి ప్రజలు మీ నుంచి పెద్దపెద్ద పనులు ఆశిస్తుంటారు. ముందు పెద్ద సమస్యలపై దృష్టిసారిస్తే మంచిది..' అని ఎంపీ కవితకు డీఎస్ తనయుడు అరవింద్‌ సూచించారు.

English summary
Senior Leader, TRS MP D Srinivas's Son Aravind who is a BJP Leader asked his father to think about the development of Nizamabad district as he is in a ruling party. While Speaking to Media here in Nizamabad on Sunday he asked to solve the problem of Nizam Sugar Factory and to re-open the factory. He also stated that central government is ready to co-operate in this regard. He critisized Chandrababu Naidu and TRS MP Kavita as well as. Aravind also suggested MP Kavita to make big things instead of small works.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X