కెనడాలో తెలుగు అమ్మాయి పైన దుండగుల కాల్పులు, మృతి

హైదరాబాద్: కెనడాలో ఓ తెలుగు అమ్మాయి పైన గుర్తు తెలియని దుండగులు కాల్పులు జరిపారు. దీంతో ఆమె తీవ్ర గాయాలకు గురైంది. బాధితురాలిని హైదరాబాదుకు చెందిన జాన్ సింథియాగా గుర్తించారు. ఆమె పైన ఓ షాపింగ్ మాల్‌లో కాల్పులు జరిగాయి.

ఆమె షాపింగ్ మాల్‌లో వస్తువులను కొనుగోలు చేసేందుకు వచ్చారు. ఆ సమయంలో దుండగులు ఒక్కసారిగా కాల్పులు జరిపారు. విచక్షణారహితంగా జరిపిన కాల్పుల్లో ఆమెకు గాయాలయ్యాయి. ఆమె ఓ ఐటీ కంపెనీలో పని చేస్తున్నట్లుగా తెలుస్తోంది.

ఘటనాస్థలిని పోలీసులు సందర్శించారు. దుండగుడిని గుర్తించేందుకు ప్రత్యేక బృందాలను నియమించినట్లు తెలిపారు. కాల్పుల వెనుక గల కారణాలు ఏమిటన్నది తెలియరాలేదని పోలీసులు చెప్పారు.

కాగా, ఈ ఘటన ఏప్రిల్ 29న టొరంటో సమీపంలో జరిగిన ఈ ఘటనలో గాయపడిన అమ్మాయి జాన్ సింథియా మృతి చెందినట్లుగా తెలుస్తోంది. జాన్ సింథియా తల్లిదండ్రులు శోభ, జాన్‌ కృపవరం పదహారేళ్లుగా కెనడాలో ఉంటున్నారు. యువతి మృతితో ఆమె బంధువుల ఇంట విషాద ఛాయలు అలముకున్నాయి.

English summary

Firing on Indian woman in Canada.