ఏం తేలనుంది?: రవితేజ సోదరుడి మృతిపై నేడే ఎఫ్ఎస్ఎల్ రిపోర్ట్!..
భరత్ మద్యం సేవించాడా? లేక డ్రగ్స్ ఏమైనా తీసుకున్నాడా? వంటి విషయాలు ఈ రిపోర్టు ద్వారా వెల్లడికానున్నాయి.
హైదరాబాద్: అతివేగంతో ఆగి ఉన్న లారీని ఢీకొట్టి హీరో రవితేజ తమ్ముడు భరత్ దుర్మరణం పాలైన సంగతి తెలిసిందే. గత నెల 24వ తేదీ రాత్రి 10గం. సమయంలో ఆయన దుర్మరణం చెందగా.. మరునాడు ఉదయం వరకు ఈ విషయం బయటకు రాలేదు.
నటుడు భరత్ మృతికి ఇవీ కారణాలే: లారీని తరలించి ఉంటే..
ప్రమాద సమయంలో భరత్ కారులో వోడ్కా బాటిల్ దొరకడం ఆయన మద్యం మత్తులో డ్రైవింగ్ చేసి ఉంటాడన్న అనుమానాలకు ఊతమిచ్చింది. ఈ నేపథ్యంలో ప్రమాదంపై కచ్చితమైన కారణాలు తేలాలంటే ఎఫ్ఎస్ఎల్ రిపోర్టు రావాల్సి ఉంది. గురువారం నాడు ఈ రిపోర్టు రానుండటంతో.. ప్రమాద కారణాలపై ఆసక్తి నెలకొంది.
భరత్ మద్యం సేవించాడా? లేక డ్రగ్స్ ఏమైనా తీసుకున్నాడా? వంటి విషయాలు ఈ రిపోర్టు ద్వారా వెల్లడికానున్నాయి. మరోవైపు తమ్ముడి అంత్యక్రియలకు దూరంగా ఉన్న కారణంతో.. రవితేజను మీడియా వెంటాడుతూనే ఉంది. తమ్ముడిని అలాంటి పరిస్థితిలో చూసి తట్టుకోలేకే.. తాను అక్కడికి రాలేకపోయానని రవితేజ చెబుతున్నప్పటికీ.. చాలామంది ఆయన సమాధానంతో సంతృప్తి చెందడం లేదు.