గర్ల్స్‌కి రిప్లై ఇవ్వట్లేదు.. నాకు అంత ధైర్యమా?: సౌమ్యకు కేటీఆర్, 'మోడీ కాదు.. కేసీఆర్'

By Srinivas

| Published: Sunday, July 15, 2018, 14:59 [IST]

రోడ్డు సైడ్ ఫుడ్ ఇష్టం

తనకు ఇష్టమైన రోడ్డు సైడ్ ఫుడ్ బండి మీది ఫుడ్ అని కేటీఆర్ చెప్పారు. చైనీస్ ఫుడ్ కూడా ఇష్టమే అన్నారు. ప్రజల కోసమైనా తెలంగాణ కాంగ్రెస్ నాయకులు అంతర్గత కుమ్ములాటలు మానుకోవాలని, లేదంటే శాశ్వతంగా ప్రతిపక్షంలో మిగిలిపోతారని, మీరేమంటారని కేటీఆర్‌ను రఫి అనే నెటిజన్ ప్రశ్నించగా.. వారు అలాగే ఉండాలని కోరుకుంటున్నానని సరదాగా అన్నారు.

నాకు అంత ధైర్యం ఉందా?

సర్.. మీరు అమ్మాయిలకు రిప్లై ఇవ్వట్లేదు అని సౌమ్య అనే నెటిజన్ ప్రశ్నించగా.. నాకు అంత ధైర్యం ఉందా అన్నారు. మీకు ఇష్టమైన బీర్ ఏది అని ఓ నెటిజన్అడగగా... దానికి సమాధానం చెప్పలేమన్నారు. మోడీ లేదా రాహుల్ గాంధీ? అని ఓ నెటిజన్ ప్రశ్నించగా.. అది సరే ప్రశ్న ఏది అని సరదాగా వ్యాఖ్యానించారు. ఎప్పుడైనా కలిసి లంచ్ చేద్దామా అని ఓ నెటిజన్ అడిగితే.. సాధారణంగా నేను లంచ్ తినను అని సరదాగా సమాధానం ఇచ్చారు.

తెలివిగా ఆలోచించి కేసీఆర్‌కు ఓటు వేయి

ఏపీలో మీలాంటి నాయకుడు కావాలని డీఆర్కే అనే నెటిజన్ చెప్పారు. రానున్న అయిదు, పదేళ్లలో ఏం ప్లాన్ చేసుకున్నారని అడగ్గా.. అలాంటిదేమీ లేదని కేటీఆర్ చెప్పారు. రాంబాబు అనే నెటిజన్ ప్రశ్నిస్తూ.. నేను కేసీఆర్ -మోడీ అభిమానిని అని, స్నేహితుల మధ్య చర్చ జరిగినప్పుడు ఎలా బ్యాలెన్స్ చేయాలని అడిగారు. దానికి కేటీఆర్ స్పందిస్తూ.. సమానం ఉందని ఎవరు చెప్పారు, తెలివిగా ఆలోచించి కేసీఆర్‌కు ఓటు వేయి అన్నారు.

బెంగాళీ ఫుడ్ కూడా ఇష్టం

సర్, మీరు దీనికి స్పందించాలి, లేదంటే నేను నా స్నేహితుడికి కొత్త రూ.2000 నోటును కోల్పోతాను అని అమరేశ్ రెడ్డి అనే నెటిజన్ పేర్కొనగా.. నమస్కారం సింబల్‌తో కేటీఆర్ స్పందించారు. కోల్‌కతాలో ఉన్నప్పుడు తాను బెంగాళీ ఫుడ్ తిన్నానని, దానిని కూడా తాను ఇష్టపడతానని చెప్పారు.