వీడి అసాధ్యం గూల.. తనకు తానే ఏసీపీ, డీఎస్పీ పదవులు ఇచ్చుకున్న కేటుగాడు!

హైదరాబాద్ పోలీసులు నకిలీ పోలీసు ఆట కట్టించారు. పోలీసు ఉన్నతాధికారిగా చెలామణి అవుతున్న కేటుగాన్ని అరెస్ట్ చేశారు. బతుకుదెరువు కోసం హైదరాబాద్‌కు వచ్చిన నిందుతుడి పోలీసు అవతారం ఎత్తాడు. ఏసీపీ, డిఎస్పీ పేరుతో నకిలీ ఐడీ కార్డులు సృష్టించి మోసాలకు పాల్పడుతూ చివరకు అడ్డంగా బుక్కయ్యాడు.

గోదావరి ఖనికి చెందిన ఎంవీ రవిచంద్ర సికింద్రాబాద్‌లో నివాసం ఉంటున్నాడు. ఉద్యోగం లేకపోవడంతో నకిలీ పోలీసు అవతారం ఎత్తి మోసాలకు తెరతీశాడు. వెస్ట్ జోన్ ఏసీపీనంటూ నమ్మిస్తూ వసూళ్లకు పాల్పడ్డాడు. రవిచంద్రపై ఫిర్యాదు అందడంతో రంగంలోకి దిగిన పోలీసులు నకిలీ పోలీసు ఆటకట్టించారు.

పోలీసు అవతారమెత్తి మోసాలకు పాల్పడుతున్న రవిచంద్రను అరెస్ట్ చేసిన పోలీసులకు దిమ్మదిరిగే షాక్ తగిలింది. డీఎస్పీ రవిచంద్ర పేరుతో ఉన్న ఐడీ కార్డుతో పలువురిని మోసం చేసినట్లు తెలుసుకుని విస్తుపోయారు. నిందితుని వద్ద నుంచి ఫేక్ ఐడీ కార్డులతో పాటు మరికొన్ని పత్రాలు స్వాధీనం చేసుకున్నారు. ఫేక్ డీఎస్పీ ఐడీ కార్డు సాయంతో రవిచంద్ర సికింద్రాబాద్ గాంధీ ఆస్పత్రిలో మెడికల్ సర్టిఫికెట్ తీసుకున్నట్లు విచారణలో తేలింది. నిందితుడిపై గతంలో పలు కేసులు ఉన్నట్లు పోలీసులు గుర్తించారు. కేసు నమోదుచేసిన పోలీసులు రవిచంద్ర మోసాలపై ఆరా తీస్తున్నారు.

English summary

Hyderabad police arrested a pseudo cop who was cheating people by posing as dcp. the offender mv ravichandra resident of secundrabad got himself a police uniform with shoulder flaps to pose as ACP DSP as per necesity. fake id cards, medical certificate and some other documents seized from him.