కాలేజీ భ‌వ‌నం పైనుంచి దూకి.. ఇంట‌ర్ విద్యార్థిని ఆత్మ‌హ‌త్యాయ‌త్నం

వరంగల్ హన్మకొండలోని ఏకశిల జూనియర్‌ కళాశాలలో ఇంట‌ర్‌ సెకండియర్‌ చదువుతున్న కందగట్ల సింధుజ సోమవారం మధ్యాహ్నం ఆత్మహత్య యత్నానికి పాల్పడింది.

వరంగల్‌: ఇంటర్మీడియట్ చదువుతున్న ఓ విద్యార్థిని ఆత్మహత్య యత్నానికి పాల్పడింది. ప్రస్తుతం ఓ ఆసుపత్రిలో చికిత్స పొందుతున్న ఆమె పరిస్థితి విషమంగా ఉన్నట్లు తెలుస్తోంది.

వరంగల్ హన్మకొండలోని ఏకశిల జూనియర్‌ కళాశాలలో సోమవారం మ‌ధ్యాహ్నం ఈ ఘటన చోటుచేసుకుంది. కాలేజీ భవనంపైకి వెళ్లిన ఓ విద్యార్థిని అక్క‌డి నుంచి కింద‌కు దూకేసి ఆత్మ‌హ‌త్యాయ‌త్నం చేసింది.

ఆ విద్యార్థిని ఇంట‌ర్‌ సెకండియర్‌ చదువుతున్న కందగట్ల సింధుజగా తెలిసింది. ర‌క్త‌పు మ‌డుగులో ఉన్న ఆమెను లెక్చ‌ర‌ర్లు ద‌గ్గ‌ర‌లోని ఆసుప‌త్రికి త‌ర‌లించి, చికిత్స అందించారు. ఆ విద్యార్థిని పరిస్థితి విషమంగా ఉన్నట్లు తెలుస్తోంది.

ఈ ఘ‌ట‌న‌పై స‌మాచారం అందుకున్న పోలీసులు ఘటనా స్థలాన్ని సందర్శించి కేసు నమోదు చేసుకుని ద‌ర్యాప్తు ప్రారంభించారు. సింధుజ ఆత్మ‌హ‌త్యాయ‌త్నం చేయ‌డానికి గ‌ల కార‌ణాల‌పై ఆరా తీస్తున్నారు.

English summary

An intermediate student, Kandagatla Sindhuja who is studying intermediate second year in Ekashila Junior College commits suicide attempt by jumping from the top of the college building Here in Hanamkonda of Warangal District. After the incident the lecturers of the college immediately bring her to hospital and her condition is serious it seems. The reasons behind her suicide attempt is not yet revealed. Police are investigating the case.