• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మా అక్క ప్రజా సేవ చేసేందుకు మీ మధ్యకు వస్తోంది...ఆశీర్వదించండి: జూనియర్ ఎన్టీఆర్

|
    Telangana Elections 2018 : సుహాసిని ఎంట్రీ పై జూ.ఎన్టీఆర్ ట్వీట్ | Oneindia Telugu

    నందమూరి ఫ్యామిలీ నుంచి ఈ సారి తెలంగాణ ఎన్నికల బరిలో దివంగత నేత నందమూరి హరికృష్ణ కుమార్తె సుహాసిని దిగుతున్నారు. ఆమె కూకట్‌పల్లి నియోజకవర్గం నుంచి పోటీ చేయనున్నారు. ఈ క్రమంలోనే ఆమె ఈరోజు నామినేషన్ వేయనున్నారు. ఈ రోజు నామినేషన్ వేయనున్న సుహాసినికి జూనియర్ ఎన్టీఆర్, కళ్యాణ్‌రామ్‌లు బెస్ట్ విషెస్ తెలిపారు. ప్రజా సేవ చేసేందుకు మంచి నిర్ణయం తీసుకుని నేడు నామినేషన్ వేయనున్న తన సోదరి సుహాసినిగారికి అభినందనలంటూ జూనియర్ ఎన్టీఆర్ ట్వీట్ చేశారు.

    Jr.NTR wishes his sister Suhasini all the best

    మరోవైపు మరో సోదరుడు హీరో కళ్యాణ్ రామ్ కూడా సుహాసినికి అభినందనలు తెలుపుతూ ట్వీట్ చేశారు. ప్రజలే దేవుళ్లు, సమాజమే దేవాలయం అనే సిద్ధాంతంతో ఎన్టీఆర్ తెలుగుదేశం పార్టీ స్థాపించారని, ఆ పార్టీ తమకు ఎంతో పవిత్రమైనదని ఎన్టీఆర్ కళ్యాణ్‌రామ్‌లు పేర్కొన్నారు. తెలుగుదేశం పార్టీకి తన తండ్రి హరికృష్ణ సేవలను కూడా గుర్తు చేసిన సోదరులు తన సోదరిని కూడా ప్రజలు ఆశీర్వదించాలని కోరారు. అంతేకాదు మహిళలు సమాజంలో ఉన్నతమైన పాత్ర పోషించాలని నమ్మే కుటుంబం తమదని నందమూరి సోదరులు చెప్పారు. ఇదే స్ఫూర్తితో ప్రజలకు సేవచేసేందుకు సిద్ధ పడుతున్న సుహాసినిగారికి విజయం వరించాలని ఆకాంక్షించారు.

    అనేక నాటకీయ పరిణామాల మధ్య కూకట్‌పల్లి నియోజకవర్గం టికెట్ నందమూరి సుహాసినికి దక్కింది. ముందుగా టీడీపీ నేత పెద్దిరెడ్డి ఈ నియోజకవర్గం నుంచి పోటీ చేయాలని భావించారు. తను ప్రచారాన్ని కూడా ఇక్కడ మొదలు పెట్టారు. అయితే చంద్రబాబు మాత్రం టికెట్‌ను నందమూరి ఫ్యామిలీకి కేటాయించాలని భావించారు. ఇందులో భాగంగానే ముందుగా హరికృష్ణ పెద్ద కుమారుడు నందమూరి జానకిరామ్ భార్యను బరిలోకి దింపనున్నట్లు వార్తలు వచ్చాయి. ఆ తర్వాత నందమూరి కళ్యాణ్ రామ్ కూకట్‌పల్లి నియోజకవర్గం నుంచి బరిలో దిగుతారన్న వార్తలు కూడా షికారు చేశాయి. అయితే వీరిద్దరూ ఆసక్తి చూపకపోవడంతో సుహాసినిని పోటీకి దించుతోంది తెలుగుదేశం పార్టీ.

    English summary
    Actors Jr.NTR and Kalyan Ram had conveyed their best wishes to their sister Suhasini who would be filing her nomination on saturday for Kukatpally constituency in the upcomong telangana polls.Both these heroes had requested the prople of the constituency to bless her as she had taken the decision to serve people.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X