Click it and Unblock the Notifications
Just In
Don't Miss
-
భార్యా భర్త గొడవపడ్డినా..బంధం బలంగా ముందుకు కొనసాగాలంటే ఇవి పాటించాలి.. -
Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు -
భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా -
Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!! -
ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..! -
Market Mahalakshmi Review: మార్కెట్ మహాలక్ష్మీ మెప్పించిందా? మూవీ ఎలా ఉందంటే? -
25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
కెసిఆర్ గురి కుదిరింది: త‌న‌ను ల‌క్ష్యంగా చేసుకున్న వారికి స్పాట్ : ఆప‌రేష‌న్‌ స‌క్సెస్..!
తెలంగాణ ఎన్నిక‌ల్లో ఊహించ‌ని ట్విస్ట్‌లు. కెసిఆర్ ను ల‌క్ష్యంగా చేసుకున్న కూట‌మి నేత‌ల్లో కొంద‌రు నేతలను కెసిఆర్ టార్గెట్ చేసారు. త‌న‌ను వ్య‌క్తిగ‌తంగా విమర్శించేవారు..త‌న ప్ర‌భుత్వాన్ని ల‌క్ష్యంగా చేసుకొని విమ‌ర్శ‌లు చేస్త‌న్న వారిని కెసిఆర్ ఎలాగైనా స‌భ‌లో కాలు పెట్ట‌నీయ‌కూడ‌ద‌ని డిసైడ్ అయ్యారు. తొలుత స్టార్ క్యాంపెయిన‌ర్లుగా ప్ర‌క‌టించుకున్న వారిని త‌మ నియోజ‌క‌వ‌ర్గాల‌కే ప‌రిమ‌తం చేసే వ్యూహాల‌ను అమ‌లు చేసి..వారిని ఎలాగైనా ఓడించాల‌ని ఫిక్స్ అయ్యారు. అనుకున్న‌ది సాధించారు.
టిఆర్యస్ అధినేత కెసిఆర్ చేప‌ట్టిన అప‌రేఫ‌న్ స‌క్సెస్ అయింది. ఎలాగైనా కాంగ్రెస్ సీనియ‌ర్ల‌కు..ప్ర‌త్యేకించి త‌న‌ను ప‌దేప‌దే విమ‌ర్శించే వారిని ఓడించ‌టం ద్వారా..కాంగ్రెస్ మూలాల‌నే తెలంగాణలో దెబ్బ తీయాల‌ని కెసిఆర్ వ్యూహం అమ‌లు చేసారు. ప‌క‌డ్బందీగా అమ‌లు చేసిన ఈ వ్యూహంతో తెలంగాణలో టిఆర్యస్ గెల‌వ‌టం ఒక ఎత్తు అయితే.. ఊహించ‌ని విధంగా సీనియ‌ర్లు ఓడిపోవ‌టం అన‌టం కంటే ఓడించ‌టం అనేది ఇప్పుడు హాట్ టాపిక్ గా మారింది. వ్యూహంలో భాగంగా.. ముఖ్యంగా టీఆర్ఎస్ అంటేనే ఒంటికాలితో లేచే నేతలను టార్గెట్ చేసింది. రేవంత్‌రెడ్డి, కోమటిరెడ్డి వెంకట్‌రెడ్డి, డీకే అరుణ, జానారెడ్డి, జీవన్‌రెడ్డి తదితర నేతలను ఓడించేందుకు అత్యంత పటిష్టమైన వ్యూహాలతో వెళ్లింది. మొత్తానికి కాంగ్రెస్ అగ్రనేతలను ఓడించాలన్న గులాబీ అధినేత కేసీఆర్ వ్యూహం పూర్తిగా ఫలించినట్టు కనిపిస్తోంది. జానారెడ్డి, రేవంత్‌రెడ్డి, కోమటిరెడ్డి, దామోదర రాజనర్సిహా, జీవన్‌రెడ్డి వంటి హేమాహేమీలను కెసిఆర్ ల‌క్ష్యంగా చేసుకున్నారు. అనుకున్న విధంగా..ఈ సీనియ‌ర్లు అంద‌రూ ఓట‌మి పాల‌య్యారు.
శాస‌న‌స‌భ‌లో అధికార పార్టీకి కంట్లో నలుసులా వ్య‌వ‌హరించే రేవంత్ రెడ్డి, కోమటిరెడ్డి, సంప‌త్ ల‌ను గ‌తంలోనే స‌భ నుండి అనేక సార్లు స‌భ నుండి స‌స్పెండ్ చేసారు. ఇక, డికె అరుణ చేసిన కొన్ని కామెంట్ల పై కెసిఆర్ ఆగ్ర‌హంతో ఉన్నారు. ఇక, జీవ‌న్ రెడ్డి లాంటి వారిని క‌ట్ట‌డి చేయ‌టం ద్వారా..అంశాల వారీగా స‌భ‌లో గ‌ట్టిగా నిల‌దీసే వ్య‌క్తుల‌ను స‌భ‌కు రాకుండా..త‌మ‌కు ఇబ్బంది లేకుండా చేయ‌టంలో కెసిఆర్ స‌క్సెస్ అయ్యారు. ఇక, ప్ర‌స్తుతం అందుతున్న ట్రెండ్స్ చూస్తుంటే ఇక..కాంగ్రెస్ కు ప్ర‌తిప‌క్ష హోదా త‌ప్పదు. అందులో ఇప్ప‌టి వ‌ర‌కు భ‌ట్టి విక్ర‌మార్క ప్ర‌స్తుతానికి ఆధిక్య‌త‌తో ఉన్నారు. ఆయ‌న గెలిస్తే ఆయ‌నే సీఎల్పీ నేత‌గా ఉండే అవ‌కాశం ఉంది. ఉత్తమ్ కుమార్ రెడ్డి ప్ర‌స్తుతం పిసిసి అధ్య‌క్షుడిగా ఉండ‌టంతో.. భ‌ట్టికి ఆ అవ‌కాశం ద‌క్కే ఛాన్స్ కనిపిస్తోంది. ఇక, కాంగ్రెస్ సీనియ‌ర్లు ఓట‌మి పాల‌వ‌టంతో..స‌భ‌లో ప్ర‌తిప‌క్షాన్ని ఎదుర్కోవ‌టం ఇక టిఆర్‌య‌స్‌కు సమ‌స్య‌లు ఉండ‌క‌పోవ‌చ్చు.
